Amabandla ezombusazwe athi ayakwamukela ukusungulwa kwemithethwandaba ebhekane lokuhluza amacala odlakela oluphathelane lokhetho lwalonyaka.
Umsekeli kasikomitshi wamapholisa uMnu Erasmus Makodza utshele intathelizindaba ukuthi imithethwandaba le isungulwe kuzo zonke izigaba zelizwe.
Wengeze wathi abazafunyanwa behlukuluza abanye kumbe bebethusela ngenxa yezombusazwe bazabotshwa bagwetshelwe ukuhlala entolongweni okweminyaka efika elitshumi.
UMakodza ukhuthaze amabandla wonke ukuthi akhankasele ukhetho ngokuthula njalo aqhube inhlelo zawo zokukhetha abazancintisa bewamele (primai elections) kungela kudlephana.
Ilunga leZanu PF uMnu Believe Gaule, yena ozancintisa kuma-primaries alelibandla edinga ukumela iTsholotsho North edale lephalamende uthi izaphathesa ukwenqabela udlakela limithethwandaba.
Your browser doesn’t support HTML5
Ingxoxo loMnu Believe Gaule
Kodwa isikhulumeli sebandla leMDC-T elikhokhelwa nguMnu Nelson Chamisa uNkosazana Thabitha Khumalo uthi lanxa beyamukela imithethwandaba le, ubuqotho bayo buzavela ngokuya kwesikhathi.
Your browser doesn’t support HTML5
Ingxoxo loNkosazana Thabitha Khumalo