********** Inkulungwane lenkulungwane zabantu zithe gwaqa emzini kamufi owayengumkhokheli weMDC-T uMnu. Morgan Tsvangirai eBuhera lapho abekwe khona lamuhla.
********** Izizalwane zeZimbabwe ezihlala kweleSouth Africa kanye labasekeli beMDC-T abangafinyelelanga ukuya eZimbabwe bavalelisa umuyi bekulelo lizwe.
********** Imihlangano ekhokhelwa yiNational Peace and Reconciliation Commission imisa imisebenzi koBulawayo ngoba izakhamizi zakulelidolobho zisithi kulelunga elilodwa kuphela kulinhlanganiso eleSiNdebeleni.
********** Izisebenzi zeHwange Colliery Company Limited ezitshengeselayo eHwange kusukela ngenyanga edluleyo ziqhubekela phambili ngenyathelo lazo zisithi inkampani le ayikafezi izithembiso zazo.
********** KuLiveTalk lamuhla sixoxa ngokungcwatshwa kowayengumkhokheli weMDC-T uMorgan Tsvangirai, obekwe lamuhla eBuhera. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yebulenjini yokuzilibazisa ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
Your browser doesn’t support HTML5
Indaba ZesiNdebele, 20 Nhlolanja 2018