Umkhokheli weMDC-T uMorgan Tsvangirai uthi kuyadingakala ukuthi amabandla aphikisayo abona ngaso linye amanyane ukuze enelise ukususa ibandla leZanu PF embusweni.
UMongameli Mugabe sehlele eleZimbabwe njengelizwe elibhekane lendlala embi kakhulu, okutsho ukuthi inhlanganiso ezipha uncedo sezingangenela zidingele uzulu ukudla.
Izizalwane zeZimbabwe ebeziseSouth Africa ngokungekho emthethweni ezaphiwa amapermit oxolo ngo2010, zithi ziphakathi kokuhlela ukukhulumisana lohulumende weZimbabwe ukuthi akhulumisane lowe South Africa ukuze angabaxotshi elizweni nxa amapermit la ephelela yisikhathi ngo 2017.
Usibalukhulu webhanga elikhulu lelizwe uMnu John Mangudya uthi uhulumende kumele agqibe uhlelo lokwaba kutsha umhlabathi ukuze kube lokuhlaliseka kwezokulima njalo ilizwe lithole ukudla okwaneleyo.
KuLivetalk namhlanje sixoxa ngodaba lokusilela kokudla elizweni.
Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Sitholakala njalo kuFacebook ekhasini lethu ele VOANdebele.
Your browser doesn’t support HTML5
Indaba zanamuhla ngamafitshane