Ngesikhathi abanenye becabangela ukuthi ibandla le Zanu PF seliphelelwe ngumphako, lavuka lanqoba amacele womabili emdc kukhetho lokudinga umongameli lamalunga edale lephalamende, lathola lezihlalo ezalithathelwa yi mdc kusukela ngomnyaka ka 2002. Okunengi ngaloludaba asikuzweni kuntathelizindaba yethu uSithandekile Mhlanga ehlaziya izehlakalo ezimqoka ezitshiyeneyo ezandulela lolukhetho kanye lekusasa yalelibandla.
Ngaphambilini kwalokukhetho, inhlanganiso ezizimeleyo ezigoqela i Freedom House zathi ukudingisisa ezikwenzileyo kukhomba ukuthi ibandla le zanu pf ngempela lizanqoba kukhetho. Kodwa ibandla leMDC lathi ngamanga la.
Amacele womabili eMDC aziduduza ngokuthi mhlawumbe abasekeli babo babengakhululekanga ukukhuluma labaqhuba lokhu ukudingisisa besesaba ukuhlukuluzwa libandla leZanu PF.
Kodwa iziphathamandla ze Zanu PF zathi inhlelo zazo zokuthuthukisa abansundu yizo ezikhanga abantu.
UMnu. Andrew Langa ugcinisihlalo wesigaba seMatabeleland North kulelibandla, watshela iStudio 7 ukuthi kusobala ukuthi ibandla le Zanu PF lizanqoba ngoba uMongameli Mugabe elobukhokheli obulohlonzi.
Imbono yakhe yagcizelelwa ngumnu. Morris Ngwenya ingcwethi ecubungula ezombusazwe njalo engumsekeli walelibandla.
Isiphathamandla salelibandla uMnu. Tshinga Dube owancintisa kodwa wanqotshwa kukhetho lokudinga ozamela imakokoba edale lephalamende wathi kulamalunga amanengi asuka kumacele womabili emdc esiya kubandla le Zanu.
Ukunqoba kwalelibandla kwezinye izigaba zelizwe kwamangalisa abanengi abagoqela umnu. Gorden Moyo, osemela imakokoba edale lephalamende, yena owalandula imbiko kaMnu. Tshinga-Dube esithi ibandla leZanu PF livele aliselasekelo, elifananisa lomkhumbi ogalulayo.
UMnu. Effort Nkomo, owasuka kubandla le Zapu esebuyela kwele zanu pf, wagcizelela ukuthi usenanzelele ukuthi ibandla leli lilosekelo olukhulu.
Omunye owamangaliswa yikunqoba kwebandl ale Zanu PF, owayekhangelele ukunqoba kukhetho lokudinga uMongameli nguMnu. Welshman Ncube okhokhela elinye icele le MDC, yena owathi imihlangano yemikhankaso yebandla lakhe ilabantu abanengi njalo bayamukela indlela akhankasela ngayo uhlelo lokwabela izabelo amandla olwe devolution, kusisekelo sombuso esitsha.
Lanxa ibandla le Zanu PF lanqoba, imisakazo yayikhupha imbiko ekhomba ukuthi kulokulwisana phakathi kwamacele amabili alelibandla, elinye elikhokhelwa ngumsekeli kaMongameli uNkosikazi Joyce Mujuru elinye likhokhelwa yisiphathamandla salelibandla uMnu. Emmerson Mnangagwa.
Kodwa isikhulumi salelibandla uMnu. Rugare Gumbo wakulandula lokhu, esithi ukungazwisisani kuyatholakala kumabandla wonke, njalo kuyalungiseka.
Njengebandla le mdc elikhokhelwa nguMnu. Morgan Tsvangirai, ibandla le Zanu PF lalo lalwisana kuhlelo lwama primary elections olokudinga abazancintisa kukhetho lokudinga amalunga edale lephalamende.
Lokhu kwabangela ukuthi amalunga alelibandla, agoqela abalwa kumpi yenkululeko atshengisele emahofisini alelibandla esola lokhu.
Ngemva kokhetho, umongameli mugabe, wahoza ibandla le mdc esithi kufanele livume ukuthi lanqotshwa ngoba akusabuyelwa emuva.
Ke sizwe uMnu. Bekezela Maduma, ingcwethi ecubungula ezombusazwe ubona njani ikusasa yalelibandla.
Emhlanganweni oyenziwa kanye ngomnyaka, iconference yalelibandla esanda kwenziwa eChinhoyi, ibandla leli linqume ukuthi lizafeza izithembiso zohlelo lokuthuthukisa inotho yelizwe, olwezimasset elazethulela abantu likhankasela ukhetho olwedluleyo.
Inengi selibheke ngabomvu ukuthi kambe lokhu kuzakwenzakala na ngoba umumo wezomnotho ulokhu uqhubeka usiya nganxele.
Ngaphambilini kwalokukhetho, inhlanganiso ezizimeleyo ezigoqela i Freedom House zathi ukudingisisa ezikwenzileyo kukhomba ukuthi ibandla le zanu pf ngempela lizanqoba kukhetho. Kodwa ibandla leMDC lathi ngamanga la.
Amacele womabili eMDC aziduduza ngokuthi mhlawumbe abasekeli babo babengakhululekanga ukukhuluma labaqhuba lokhu ukudingisisa besesaba ukuhlukuluzwa libandla leZanu PF.
Kodwa iziphathamandla ze Zanu PF zathi inhlelo zazo zokuthuthukisa abansundu yizo ezikhanga abantu.
UMnu. Andrew Langa ugcinisihlalo wesigaba seMatabeleland North kulelibandla, watshela iStudio 7 ukuthi kusobala ukuthi ibandla le Zanu PF lizanqoba ngoba uMongameli Mugabe elobukhokheli obulohlonzi.
Imbono yakhe yagcizelelwa ngumnu. Morris Ngwenya ingcwethi ecubungula ezombusazwe njalo engumsekeli walelibandla.
Isiphathamandla salelibandla uMnu. Tshinga Dube owancintisa kodwa wanqotshwa kukhetho lokudinga ozamela imakokoba edale lephalamende wathi kulamalunga amanengi asuka kumacele womabili emdc esiya kubandla le Zanu.
Ukunqoba kwalelibandla kwezinye izigaba zelizwe kwamangalisa abanengi abagoqela umnu. Gorden Moyo, osemela imakokoba edale lephalamende, yena owalandula imbiko kaMnu. Tshinga-Dube esithi ibandla leZanu PF livele aliselasekelo, elifananisa lomkhumbi ogalulayo.
UMnu. Effort Nkomo, owasuka kubandla le Zapu esebuyela kwele zanu pf, wagcizelela ukuthi usenanzelele ukuthi ibandla leli lilosekelo olukhulu.
Omunye owamangaliswa yikunqoba kwebandl ale Zanu PF, owayekhangelele ukunqoba kukhetho lokudinga uMongameli nguMnu. Welshman Ncube okhokhela elinye icele le MDC, yena owathi imihlangano yemikhankaso yebandla lakhe ilabantu abanengi njalo bayamukela indlela akhankasela ngayo uhlelo lokwabela izabelo amandla olwe devolution, kusisekelo sombuso esitsha.
Lanxa ibandla le Zanu PF lanqoba, imisakazo yayikhupha imbiko ekhomba ukuthi kulokulwisana phakathi kwamacele amabili alelibandla, elinye elikhokhelwa ngumsekeli kaMongameli uNkosikazi Joyce Mujuru elinye likhokhelwa yisiphathamandla salelibandla uMnu. Emmerson Mnangagwa.
Kodwa isikhulumi salelibandla uMnu. Rugare Gumbo wakulandula lokhu, esithi ukungazwisisani kuyatholakala kumabandla wonke, njalo kuyalungiseka.
Njengebandla le mdc elikhokhelwa nguMnu. Morgan Tsvangirai, ibandla le Zanu PF lalo lalwisana kuhlelo lwama primary elections olokudinga abazancintisa kukhetho lokudinga amalunga edale lephalamende.
Lokhu kwabangela ukuthi amalunga alelibandla, agoqela abalwa kumpi yenkululeko atshengisele emahofisini alelibandla esola lokhu.
Ngemva kokhetho, umongameli mugabe, wahoza ibandla le mdc esithi kufanele livume ukuthi lanqotshwa ngoba akusabuyelwa emuva.
Ke sizwe uMnu. Bekezela Maduma, ingcwethi ecubungula ezombusazwe ubona njani ikusasa yalelibandla.
Emhlanganweni oyenziwa kanye ngomnyaka, iconference yalelibandla esanda kwenziwa eChinhoyi, ibandla leli linqume ukuthi lizafeza izithembiso zohlelo lokuthuthukisa inotho yelizwe, olwezimasset elazethulela abantu likhankasela ukhetho olwedluleyo.
Inengi selibheke ngabomvu ukuthi kambe lokhu kuzakwenzakala na ngoba umumo wezomnotho ulokhu uqhubeka usiya nganxele.