BULAWAYO —
Ingcwethi kwezombusazwe lezakhamizi zakoBulawayo zithi akwaziwa ukuthi iyozala nkomoni njengoba idolobho leli selilabameli abakhanya sebekubandla eliphikisayo okungelaqiniso ukuthi bazenelisa na ukumelana lezifiso zebandla le Zanu PF.
Izakhamizi zakoBulawayo ziphume ngobunengi zisiyavotela ibandla le Movement for Democratic Change elikhokhelwa nguMnumzana Welshman Ncube, zilethemba lokuthi nguye ozakhokhela uhulumende ozayo.
UNkosikazi Thelma Gumede, oyisikhamuzi, uthi unjengenhlanzi etshelwe ngamanzi ngemva kokuzwa impumela yokhetho lolu ngoba ubecabanga ukuthi ukuvotela IMDC-T kuzaletha inguquko lemisebenzi edolobheni.
Oyingcitshi kwezombusazwe, uMnumzana Freedom Mazwi, uthi wesaba ukuthi iZanu PF ilakho ukuphindisela kudolobho lakoBulawayo njengoba abantu bevotele IMDC-T ngobunengi.
Uthi akuselathemba ukuthi amankampani azavuselelwa okutsho ukuthi uzulu uzaqhubeka engasebenzi.
Eyinye njalo ingcitshi, uMnumzana Godwin Phiri, uthi akukho okunengi okuzakwenziwa ngabameli be MDC-T nxa ibandla labo lingekho kuhulumende.
Uqhubeke esithi ikhansili le izathwala nzima ukusebenza lohulumende we Zanu PF ongasekeli uhlelo lokusa amandla ezabelweni olweDevolution.
IBulawayo yiso sodwa isigaba esikhethe abammeli bebandla le MDC-T kuphela. Icele le Movement for Democratic Change ekhokhelwa nguMnumzana Welshman Ncube, ebikhangelelwe ukuthola izihlalo ezithile, liphume liphethe izandla.
Izakhamizi zakoBulawayo ziphume ngobunengi zisiyavotela ibandla le Movement for Democratic Change elikhokhelwa nguMnumzana Welshman Ncube, zilethemba lokuthi nguye ozakhokhela uhulumende ozayo.
UNkosikazi Thelma Gumede, oyisikhamuzi, uthi unjengenhlanzi etshelwe ngamanzi ngemva kokuzwa impumela yokhetho lolu ngoba ubecabanga ukuthi ukuvotela IMDC-T kuzaletha inguquko lemisebenzi edolobheni.
Oyingcitshi kwezombusazwe, uMnumzana Freedom Mazwi, uthi wesaba ukuthi iZanu PF ilakho ukuphindisela kudolobho lakoBulawayo njengoba abantu bevotele IMDC-T ngobunengi.
Uthi akuselathemba ukuthi amankampani azavuselelwa okutsho ukuthi uzulu uzaqhubeka engasebenzi.
Eyinye njalo ingcitshi, uMnumzana Godwin Phiri, uthi akukho okunengi okuzakwenziwa ngabameli be MDC-T nxa ibandla labo lingekho kuhulumende.
Uqhubeke esithi ikhansili le izathwala nzima ukusebenza lohulumende we Zanu PF ongasekeli uhlelo lokusa amandla ezabelweni olweDevolution.
IBulawayo yiso sodwa isigaba esikhethe abammeli bebandla le MDC-T kuphela. Icele le Movement for Democratic Change ekhokhelwa nguMnumzana Welshman Ncube, ebikhangelelwe ukuthola izihlalo ezithile, liphume liphethe izandla.