Ziqhubekela phambili inkulumo zokubumba uhulumende womanyano kwele South Africa.
Ibandla le-African National Congress (ANC) lehluleka ukuthola amavoti eneleyo kukhetho olusanda kuqhutshwa ukuze libumbe uhulumende lizimele.
Ayaxokozela amabandla ezombusazwe acelwe ngele ANC ukuba ancedise ukubumba uhulumende.
Ukuze sizwe okunengi ngodaba lolu, sixoxe lengcwethi kwezombusazwe uMnu. Fortune Mlalazi othi kuzakuba nzima ukuthi ibandla leANC elikhokhelwa ngobengumongameli uMnu. Cyril Ramaphosa libumbe uhulumende laphikisayo.
Iqembu leANC lathola amavoti angafiki isilinganiso sokungamatshumi amahlanu lanye ukuze libumbe uhulumende kwathi eleDemocratic Alliance lathola edlula amatshumi amabili.
EleuMkhonto weSizwe elikhokhelwa ngowayengumongameli uMnu. Jacob Zuma lathola amavoti athe xaxa lilandelwa ngele Economic Freedom Fighters, elikhokhelwa nguMnu. Julius Malema.
Wonke amabandla la athi angeke adonsa ndawonye kuhulumende womanyano.
Forum