BULAWAYO LEWASHINGTON DC —
Uhlangothi lwe Zimbabwe National Statistics Agency (ZIMSTAT) ithi inani labantu elingaqhatshwanga elizweni lingaphezu nje kwetshumi ekhulwini – 10.7% liphikisa inani elivezwa zinhlanganiso ezimele izisebenzi ezithi inani leli lingaphezu kwamatshumi ayisitshiyagalolunye ekhulwini – i90%.
Umqondisi we ZIMSTAT uMnumzana Mutasa Dzinotiwei utshele abangene umhlangano we 2011 Labour Force and Child Labour Survey koBulawayo, ukuthi inhlanganiso ezithi kulabantu abanengi abangaqhatshwanga kuleli azilaqiniso ngoba ukucubungula kwabo kuveza ukuthi inani leli liphansi okwamagama.
Uthi wonke umuntu obamba okuthile ukuze azuze imali yokuziphilisa uqhatshiwe, njalo bakhangele abantu abaphezu kwezigidi eziyisithupha ekucubunguleni lokhu besebenzisa indlela zokucubungula ezamukelekileyo emhlabeni wonke jikelele.
Unkosazana Barbara Tanyanyiwa owenhlanganiso yezisebenzi iZimbabwe Congress of Trade Unions (ZCTU) uthi akuzwisiseki ukuthi uhulumende uthi abantu baqhatshiwe ngaliphi omanjinela labongi abavela emakolitshini begcwele ezitaladeni beswele imisebenzi.
Uthi sokunzima ukuthi izisebenzi ziqoqane zimele izikhalazo lamalungelo azo ngoba zigcwele indawo yonke zidinga ukuziphilisa ngoba zingaqhatshwanga.
Uthi kunani labantu leli okuthiwa liqhatshiwe, amatshumi ayisitshiyagalombili lane ekhulwini – 84 percent liziqhatshile okutsho ukuthi liphila ngaphansi kwe poverty datum line.
Umnumzana Alfred Ndlovu, ozisebenzayo, uthi inhlanganiso le ingeke ikhulume ngabantu abatshona bethengisa amatamatisi ithi baqhatshiwe ngoba lokhu kwenza uhulumende ahlale phezu kwezandla abantu bedinga imisebenzi.
Kunjalo nje, uMnu. John Robertson ingcwethi kwezenotho uthi inani elethulwe yi ZIMSTATS labasebenzayo aliqondanga ngoba bebanengi abantu eZimbabwe abangela msebenzi.
Umnu. Robertson uthe akuqondanga ukuthi abazisebenzayo ngokuthengithengisa ezitaladeni babalelwe kwabasebenzayo.
Uphinde wathi inani labangasebenziyo eZimbabwe linakanelwa kusilinganiso sokwedlula okungamatshumi ayisikhombisa ekhulwini – 72%.
Eyinye njalo ingcwethi kwezenotho uMnu. Walter Mbongolwane okunkampani ye The Expert Factor uthi kayisilo qiniso ukuthi inani labangelamsebenzi eZimbabwe libe ngaphansi kwesilinganiso sokungamatshumi ayisitshiyagalo lunye ekhulwini – 90%.
Umqondisi we ZIMSTAT uMnumzana Mutasa Dzinotiwei utshele abangene umhlangano we 2011 Labour Force and Child Labour Survey koBulawayo, ukuthi inhlanganiso ezithi kulabantu abanengi abangaqhatshwanga kuleli azilaqiniso ngoba ukucubungula kwabo kuveza ukuthi inani leli liphansi okwamagama.
Uthi wonke umuntu obamba okuthile ukuze azuze imali yokuziphilisa uqhatshiwe, njalo bakhangele abantu abaphezu kwezigidi eziyisithupha ekucubunguleni lokhu besebenzisa indlela zokucubungula ezamukelekileyo emhlabeni wonke jikelele.
Unkosazana Barbara Tanyanyiwa owenhlanganiso yezisebenzi iZimbabwe Congress of Trade Unions (ZCTU) uthi akuzwisiseki ukuthi uhulumende uthi abantu baqhatshiwe ngaliphi omanjinela labongi abavela emakolitshini begcwele ezitaladeni beswele imisebenzi.
Uthi sokunzima ukuthi izisebenzi ziqoqane zimele izikhalazo lamalungelo azo ngoba zigcwele indawo yonke zidinga ukuziphilisa ngoba zingaqhatshwanga.
Uthi kunani labantu leli okuthiwa liqhatshiwe, amatshumi ayisitshiyagalombili lane ekhulwini – 84 percent liziqhatshile okutsho ukuthi liphila ngaphansi kwe poverty datum line.
Umnumzana Alfred Ndlovu, ozisebenzayo, uthi inhlanganiso le ingeke ikhulume ngabantu abatshona bethengisa amatamatisi ithi baqhatshiwe ngoba lokhu kwenza uhulumende ahlale phezu kwezandla abantu bedinga imisebenzi.
Kunjalo nje, uMnu. John Robertson ingcwethi kwezenotho uthi inani elethulwe yi ZIMSTATS labasebenzayo aliqondanga ngoba bebanengi abantu eZimbabwe abangela msebenzi.
Umnu. Robertson uthe akuqondanga ukuthi abazisebenzayo ngokuthengithengisa ezitaladeni babalelwe kwabasebenzayo.
Uphinde wathi inani labangasebenziyo eZimbabwe linakanelwa kusilinganiso sokwedlula okungamatshumi ayisikhombisa ekhulwini – 72%.
Eyinye njalo ingcwethi kwezenotho uMnu. Walter Mbongolwane okunkampani ye The Expert Factor uthi kayisilo qiniso ukuthi inani labangelamsebenzi eZimbabwe libe ngaphansi kwesilinganiso sokungamatshumi ayisitshiyagalo lunye ekhulwini – 90%.
