Ibandla leZanu PF lithi lisekela uMongameli Emmerson Mnangagwa othi amalunga ebandla leMovement for Democratic Change (MDC) elikhokhelwa nguMnu. Nelson Chamisa azaxotshwa edale lephalamende engaqhubekela phambili ebanga umsindo ngokunqotshwa kukhetho olwenziwa ngoNtulikazi lonyaka.
Ibandla leli lithi eleMDC kumele livume ukuthi uMnangagwa ngumongameli welizwe owakhethwa nguzulu ukunqoba kwakhe kwasekelwa ngumthethwandaba weConstitutional Court.
UMnangagwa utshele abalandeli bebandla leli ngempelaviki ukuthi kuyadina okumangalisayo okwenziwa libandla leMDC ngakho-ke amalunga alo azaxotshwa edale lephalamende engabanga umsindo ngokukhethwa kwakhe.
UMnu. Believe Gaule, okudale leCentral Committee kubandla leZanu PF, utshele iStudio 7 ukuthi bayakusekela okokhulunywe nguMnangagwa.
Kodwa uMnu. Volta Moyo, umlandeli webandla leMDC elikhokhelwa nguChamisa, uthi ibandla leZanu PF lizathwala nzima ephalamende.
