Mabasa 30, 2019

Gibbs Dube

John Masuku: Ezinye Intathelizindaba Ziloba Amanga eZimbabwe

WASHINGTON —

Umhlaba wonke jikelele ukhangelelwe ukuthi uzathakazelela usuku lokunanza intathelizindaba olweWorld Press Freedom Day ngoLwesihlanu.

Usuku lolu lwenziwa lonyaka ngaphansi kwesihloko esithi ‘Media for Democracy: Journalism and Elections in Times of Disinformation’.

Lonyaka kuhlolisiswa okungenziwa ngabezindaba ukwenzela ukuthi kube labohulumende ababalulekileyo ngesikhathi kulemibiko eminengi engamanga okuthiwa ngeSilungu yi-Fake News. Kukhangelelwe ukuthi intathelizindaba zizahlolisisa njalo ezibhekane lakho nxa kusenziwa ukhetho emazweni atshiyeneyo.

Kusukela ngoLwesibili kusiyafika ngoLwesihlanu, sizabe sixoxa lentathelizindaba kanye lozulu ngokuphathelane ngemibiko eyethulwa kumaphephandaba, emisakazweni lasebulenjini bokuxhumana obunjenge WhatsApp, iFacebook, Twitter lokunye.

UMnu. John Masuku, umsakazi olodumo, uthi inking ekwethulweni kwezindaba yikuthi ezinye intathelizindaba ziloba indaba ezingamanga.

“Kumele intathelizindaba zilandela ezakufundiswa emakolitshini okunjengokuthi kwenzakaleni, ngaphi, kutheni, njani … Lokhu kuzakwenza ukuthi intathelizindaba zilobe iqiniso sonke isikhathi. Okuzwisa usizi yikuthi kulezinye intathelizindaba ezimemethekisa amanga ebulenjini bokuxhumana okwenza ukuthi kube nzima ukuthi abantu babekwazi okungamanga lokuliqiniso.”

Uphinde wathi kuqakathekile ukuthi uhulumende abumbe imithetho esekela konke okufiswa zintathelizindaba.

Embed

Ingxoxo Esiyenze LoMnu. John Masuku

by VOA

No media source currently available

0:00 0:03:23 0:00

Nkwenkwezi 04, 2019

Umqondisi weVOA Africa Division Director Ukhuluma Ngokuthapha Indaba Kwele Ethiopia

Embed

Umqondisi weVOA Africa Division Director Ukhuluma Ngokuthapha Indaba Kwele Ethiopia

No media source currently available

0:00 0:05:27 0:00

Ukunanza usuku lokwethulwa kwezindaba olweWorld Press Freedom Day, umqondisi weVOA Africa Division Director, uMnu. Negussie Mengesha, ukhuluma ngomsebenzi wakhe, owabhekana lakho elizweni leEthiopia lokusebenza kwakhe emsakazweni weVoice of America.

Nkwenkwezi 03, 2019

Kukhunjulwa Intathelizindaba Ezabulawa Zisebenzela Uzulu

Embed

Kukhunjulwa Intathelizindaba Ezabulawa Zisebenzela Uzulu

No media source currently available

0:00 0:04:39 0:00

Kukhunjulwa intathelizindaba ezabulawa emazweni atshiyeneyo ngesikhathi zisethulela uzulu izindaba ezitshiyeneyo. Umqondisi weU.S. Agency for Global Media, uMnu. John Lansing, uthi kuqakathekile ukuzikhumbula. NgoLwesihlanu bekulusuku lokunanza intathelizindaba olwe World Press Freedom Day.

Nkwenkwezi 03, 2019

Chris Gande

Angaphi Amalayisensi Emisakazo?

Intathelizindaba zeKenya Zinanza ilanga le World Press Freedom Day.

WASHINGTON DC —

Ngesikhathi umhlaba unananza ilanga lentathelizindaba, ele World Press Fredoom Day abanye onozindaba bakhala ngokuthi uhulumende kabaphi amalayisensi okusungula imisakazo.

Imisakazo ekhona okwamanje engayisiyo kahulumende yetheswa icala lokusekela uhulumende.

Kulokhu kulomsakazo owodwa kamabonakude okahulumende.

Ukuhlaziya loludaba uChris Gande weStudio Seven uxoxe lomsakazi womsakazo owobulenjini, owe Radio Bukalanga, uMnu. Difa Wajapi Bango.