Izisebenzi zikahulumende zikhuthazwa ukuba zisebenze gadalala eZimbabwe njalo labo abangafun’ukwenza lokhu kuthiwa kumele babuyele emaphandleni.
Umphathintambo wedolobho lakoBulawayo uNkosikazi Judith Ncube wethule lokhu ngoLwesine koBulawayo emhlanganweni ohlolisisa ukuphehlwa komlilo kagetsi lokucengwa kwamanzi owenzelwa eZimbabwe International Trade Fair.
Umhlangano lo owezamabhizimusi wenziwa ngaphansi kwesihloko esithi ‘Developing Sustainable Solutions to Empower the Future.’.
UNkosikazi Ncube uphinde wathi kuyamangalisa ukuthi inkampani yeZimbabwe Electricity Supply Authority (ZESA) yakhupha itransformer yesikolo seSt. Peters ngoMbimbitho yehluleka ukuyibisela.
Omunye osemhlangawneni lo nguNkosazana Bongiwe Ngwenya, omele idolobho lakoBulawayo.
UMaNgwenya uthi babukisa okutshiyeneyo emhlanganweni lo njalo ngoLwesihlanu bazakwenza umhlangano lezakhamizi lapho abazakhuluma khona ngamanzi lokubuthwa kwezibi.
Umongameli weConfederation of Zimbabwe Industries, uMnu. Sheperd Chawira, utshele umsakazo weStudio 7 ukuthi osomabhizimusi bakhangelele ukutholiswa amandla kagesti lamanzi athengekayo hatshi ababhekane lakho khonamanje elizweni.
Umhlangano lo usekelwa libhanga leInfrastructure Development Bank of Zimbabwe, uhlangothi lukahulumende olubona ngamanzi, ezemakhaya lomumo womkhathi, inhlanganiso yeUnited Nations Development Programs leAfrican Development Bank.
Umhlangano lo ungenwe ngosomabhizimusi, amakhansili, leziphathamandla zikahulumende ezisuka kunhlangothi ezehlukeneyo.
