Inhlanganiso ebona ngezenguqu eyeZimbabwe Football Association (Zifa) isiqhatshe uNorman Mapeza ukuba abengumqeqetshi weqembu leWarriors kulandela ukuxotshwa umsebenzi kuka Zdravko Logarusic.
UXolisani Gwesela, isikhulumeli seZIFA, uthi uMapeza uzasebenza loTaurai Mangwiro okuqembu leTriangle, umqeqetshi weqembu leHighlanders uMandla Mpofu loEnergy Murambadoro, ozalolonga onozinti.
UGibson Mahachi, okhangelane lokwenziwa nguMapeza, uthi usevumile ukuqeqetsha iqembu leli okwenyanga ezintathu ngesikhathi iqembu lesizwe lingqikilana lamanye emidlalweni ye2022 World Cup qualifiers.
EleZimbabwe Warriors iliku Group G lehluleke ukunqoba emidlalweni emibili lapho ebelingqikilana lele South Africa kanye lele Ethiopia.