MARYLAND —
Uyakhala uMthwakazi ngokutshona kwenduna enkulu uVezi Maduna Mafu, owaziwa kakhulu ngokulwisana labamhlophe ngesikhathi sempi yenkululeko kanye lohulumende kowayengumongameli, umuyi uRobert Mugabe, ngodaba lombhuqazwe weGukurahundi.
Owagcotshwa ngumdeni wako Khumalo ukuba yinkosi yaMaNdebele, uBulelani Lobengula Khumalo, uthi ilizwe lilahlekelwe liqhawe lamaqhawe.
Isikhulumeli seNkosi, uBornman Khumalo, uthi balutshwana abantu abafana lenduna uMafa, owabotshwa ngesikhathi sempi yenkululeko efuna kube lombuso wabantu abamnyama.
Uthi uMafu wayefuna ukuthi kube lohulumende wabantu hatshi uhulumende kantando ayiphikiswa njengalokhu okwenzakala eZimbabwe kusukela ngomnyaka ka1980.
Akwaziwa ukuba uMafu uzabekwa nini.
