Ababalisi labongi bathi kabasenelisi ukuya emsebenzini ngenxa yokugugudeka kweholo labo ngakho-ke sebebambisana labodokotela asebelenyanga bekhalale umsebenzi befuna ukuholiswa amadola eMelika lokunye okutshiyeneyo.
Inhlanganiso zababalisi kanye lezimele abongi zethule umbiko lo namuhla oveza ukuthi iholo labo elihlawulwa ngohlobo lwemali ebizwa ngokuthi ngama RTGS seliyingcosana.
Ababalisi bathi kabasoze baye emsebenzini kuthi-ke abongi bakhangelelwe ukuthi bazahamba emsebenzini kabili ngenyanga.
Bakhala njalo ngokwehluleka kukahulumende ukuthi ababhadale amabhonasi anyakenye langokwethuselwa ngabezomvikela abakuhulumende obusayo.
Asenelisanga ukukhuluma labamele izisebenzi lezi. Sixoxe loMnu. Believe Gaule, ilunga lebandla leZanu PF, othi uhulumende uzama ngamandla wonke ukuthi alungise konke okuhlupha izisebenzi lobanje isimo somnotho sisibi kakhulu eZimbabwe.
