WASHINGTON DC —
Abanye abantu makhaza kwele Zimbabwe babikwa sebeqalisile ukuthatha imali zabo ezisemabhanga ngenxa yokwesaba ukuthi uhulumende omutsha we Zanu PF ulakho ukubisela iZimbabwe dollar.
Izisebenzi zamabhanga ezikhulume le Studio 7 zithi abantu besaba ukuthi inengi labo lingalahlekelwa yimali yemazweni esemabhanga.
Abantu abanengi balahlekelwa yimali yedollar le Zimbabwe eyayisemabhanga kusanda kubunjwa uhulumende womanyano owavuma ukuthi kusetshenziswe imali yemazweni.
Sixoxe loMnu. Samson Nhliziyo osebenzela elinye ibhanga le Zimbabwe othi uzulu wethuswa yikuthi ibandla le Zanu PF selizabusa lodwa.
Umnu. Rugare Gumbo, isikhulumeli sebandla le Zanu PF, uthi ibandla lakhe kalisoze libisele iZimbabwe dollar ngesiphangiphangi.
Ilizwe le Zimbabwe labalokugugudeka komnotho okumangalisayo kusukela ngomnyaka ka 2000 kwaze kwayafika umnyaka ka 2009 sokubunjwa ukulumende womanyano.
Imali eyayisetshenziswa yayigugudeke okokuthi kwasekusetshenziswa inani elifika ama trillion amadollar. Yayithenga impahla eyingcosana itrilion dollar okunjengesinkwa lezinti zomatshisi.
Izisebenzi zamabhanga ezikhulume le Studio 7 zithi abantu besaba ukuthi inengi labo lingalahlekelwa yimali yemazweni esemabhanga.
Abantu abanengi balahlekelwa yimali yedollar le Zimbabwe eyayisemabhanga kusanda kubunjwa uhulumende womanyano owavuma ukuthi kusetshenziswe imali yemazweni.
Sixoxe loMnu. Samson Nhliziyo osebenzela elinye ibhanga le Zimbabwe othi uzulu wethuswa yikuthi ibandla le Zanu PF selizabusa lodwa.
Umnu. Rugare Gumbo, isikhulumeli sebandla le Zanu PF, uthi ibandla lakhe kalisoze libisele iZimbabwe dollar ngesiphangiphangi.
Ilizwe le Zimbabwe labalokugugudeka komnotho okumangalisayo kusukela ngomnyaka ka 2000 kwaze kwayafika umnyaka ka 2009 sokubunjwa ukulumende womanyano.
Imali eyayisetshenziswa yayigugudeke okokuthi kwasekusetshenziswa inani elifika ama trillion amadollar. Yayithenga impahla eyingcosana itrilion dollar okunjengesinkwa lezinti zomatshisi.