Kuhlelo lwamasiko lokuphila kwabantu nsukuzonke, liviki sihlaziya umkhuba wesintu wokuthiya abesifazane ngemithi okubizwa ngokuthi lulunyoka.
Kusanda kuba lokuxokozela ezitaladeni zelokitshi leYeovile kwele South Africa lapho okade kucatshangelwa ukuthi kulomfazi womuntu ozalwa eZimbabwe obanjwe esemacansini leyinye indoda.
Kubikwa ukuthi umkakhe usebenzise ulunyoka ukuzwe ambambe xhaka. Loba nje udaba lolu lungacaci kangako, esikuhlolisisa lamuhla yikuthiywa kwabasifazane ngemithi yolunyoka.
Kambe kulungile ukwenza lokhu na? Sixoxe loMnu. David Mhabinyana Ngwenya inyanga ekunhlanganiso yabosiyazi eyeZINATHA loNkosikazi Lillian Moyo Mlilo ongukhansila edolobheni lakoBulawayo akade belembono etshiyeneyo ngodaba lolu.
UNgwenya uthe kulungile ukuthi kuthiywe abesifazane abangamahlongandleba ngolunyoka.
Kodwa-ke uNkosikazi Mlilo uphikise imbono le esithi akumelanga kuthiywe abesifazane ngendlela lezi ezicina zisenza ukuthi kufe umuntu.
Uthe kumele abatshadileyo bakhulumisane ukuze kungabi lokulwisana endlini lokuthiyana kwezamacansi kusetshenziswa imithi.
