WASHINGTON DC —
Usibalikhulu wesabelo seManicaland uMnu. Chris Mushowe uthi amankampani emba amadayimana emarange kumele aphandele abantu baleyo ndawo imisebenzi njalo abakhele izikolo, izibhedlela lokunye okungabanceda ukuthuthukisa inhlakahle yabo.
UMushowe okade ekhuluma emhlanganweni ophathelane leziqondiso zomthetho wokwemba amatshe aligugu amadayimana, eze diamond policy, utshele umphakathi ukuthi okwamanje amankampani la kawenzeli lutho uzulu.
Uthi abantu sebekhathele ngokuqanjelwa amanga ngamankampani emba amadayimana emarange athembisa ukuthi azakwakha izikolo, izibhedlela njalo alungise imigwaqo.
UMushowe uphinde wathi kuzakuba lokulwisana okumangalisayo phakathi kwabantu bakulindawo lamankampani emba amadayimana nxa uzulu elokhe engatholi lutho emsebenzini wokwemba amadayimana.
Uthi okumangalisayo yikuthi inhlelo zama Community Share Ownership Trusts ezasungulawa esabelweni seManicaland okusemthethweni nguMongameli Robert Mugabe nyakenye kazikathuthukisi inotho kazulu.
Unkosazana Sally Nobuhle Mlambo okunhlanganiso ekhangelane lokwenzakala eMarange iYouth Development Trust uthi kuliqiniso okukhulunywa nguMushowe.
UMushowe okade ekhuluma emhlanganweni ophathelane leziqondiso zomthetho wokwemba amatshe aligugu amadayimana, eze diamond policy, utshele umphakathi ukuthi okwamanje amankampani la kawenzeli lutho uzulu.
Uthi abantu sebekhathele ngokuqanjelwa amanga ngamankampani emba amadayimana emarange athembisa ukuthi azakwakha izikolo, izibhedlela njalo alungise imigwaqo.
UMushowe uphinde wathi kuzakuba lokulwisana okumangalisayo phakathi kwabantu bakulindawo lamankampani emba amadayimana nxa uzulu elokhe engatholi lutho emsebenzini wokwemba amadayimana.
Uthi okumangalisayo yikuthi inhlelo zama Community Share Ownership Trusts ezasungulawa esabelweni seManicaland okusemthethweni nguMongameli Robert Mugabe nyakenye kazikathuthukisi inotho kazulu.
Unkosazana Sally Nobuhle Mlambo okunhlanganiso ekhangelane lokwenzakala eMarange iYouth Development Trust uthi kuliqiniso okukhulunywa nguMushowe.
