Indodana kamuyi uJoshua Mqabuko Nyongolo Nkomo ithi kumele kubelekhefu eZimbabwe lokunanza imisebenzi kayise owabhubha mhla zinye kuNtulikazi ngomnyaka ka1999.
UMnu. Sibangilizwe Nkomo utshele umsakazo weStudio 7 ukuthi uhulumende weZimbabwe uyakwazi okufiswa ngumdeni kamuyi njalo lizulu.
Wethule amazwi la ngesikhathi kukhunjulwa imisebenzi kaNkomo oseleminyaka engamatshumi amabili wabhubha.
Lokhu kusekelwa nguMnu. Joseph Tshuma, okubandla leZanu PF, othi kulabanye abantu abadonsela muva kuhulumende ngodaba lolu.
UMnu. Sibangilizwe Nkomo uphinde wathi zinengi indlela okumele abantu bakhumbule ngazo uNkomo owayesaziwe ilizwe lonke ngokuthi nguFather Zimbabwe.
Kasenelisanga ukukhuluma ngodaba lolu leziphaathamandla zikahulumende.
Kusenjalo, abantu abanengi bazonde okumangalisayo kulandela okwenziwe ngamasotsha amabili lelinye ijaka aphume emfanekisweni omunye wabo emi phezu kwengcwaba likamuyi uJoshua Mqabuko Nkomo eNational Heroes Acre.
