HARARE —
Abohlangothi lwabasebenza emajele ukulondoloza izibotshwa eye Zimbabwe Prison Correctional Services sebenxuse inhlanganiso zokholo kanye lozulu ukuba abambisane lohulumende ukulondoloza imiphefumulo yabasentolongweni kanye lokubatholisa impahla edingakalayo njengoba uhulumende esehluleka ukwenza lokhu ngezizatho ezehlukeneyo ezigoqela ukuswelakala kwemali.
Abe Prison Services laba bathi yikho bakhetha ukusebenza labezokholo ngemva kokubona ukuqakatheka kwabo ekutholiseni uzulu imfundiso kunhlelo zokulondolozwa kwababotshiweyo ngesikhathi besentolongweni kanye lokwemukelwa kwalabo asebephutshe izigwebo zabo sebebuyela emakhaya.
Kungenxa yalesi sikhalazo sabe ZPCS sokudinga usizo kokudingakalayo okukhokhelele ekuthini abebandla lokholo lwesiKrestu ele ZAOGA Forward In Faith Ministries ilizwe lonke, bekubone kufanele basungule uhlelo lokuphathisa ngendlela ezehlukeneyo okubalisa ukubuthanisa impahla edingakalayo, olwe Prison Fellowship Ministries, kutsho umqondisi walo kulelibandla engumfundisi laye unkosikazi Sarah Rusere ngesikhathi ekhulumisana le Studio Seven phezu kwaloludaba.
Kunsukwana ezisanda kwedlula,abebandla le ZAOGA emzini weBudiriro baqoqe impahla ebiza amadollar angaba zinkulungwane ezine – $4000,00.
Umfundisi Harrison Hungwe walelibandla emzini ohlala abanengi eBudiriro, eHarare uthi loluhlelo abalusungule nyakenye, usuzakuba ngowenziwa minyaka yonke njengoba ibandla lakhe kungelinye lamabandla elizweni aphatheke emisebenzini yokuthuthukisa umumo lenhlalakahle kazulu kakhulukazi emajele.
Ukhuthaza uzulu,umfundisi Hungwe,ukuba aphathise labo asebephume ezintolongweni ngendlela ezitshiyeneyo ukuze bangaze babuyela njalo emikhubeni ebafake emajele lapho umumo ubikwa ungemuhle ngoba kusilela okudingakalayo.
Lokhu kugcizelelwe ngomunye wabafundisi okhulumisane le Studio Seven kodwa ongasathandanga ukubethwa ngegama, abasebenzelana laloluhlangothi lokuphathisana lezibotshwa kundaba zokuphakamisa imiphefumulo yabo kanye lokutholisa uzulu ulwazi oluzaphathisa ukuba azwisise ukuqakatheka kwaloluhlelo lokuphathisana lezibotshwa lapho zisentolongweni lalapho seziphutshile izigwebo zabo.
U Suprintandent Robson Madzivanyika uphethe uhlangothi lwabafundisi bemajele esigabeni se Mshonaland – uRegional Chaplain.
Ilizwe libhekane lenkinga ezinengi yikho linganelisi ukutholisa labo abasentolongweni konke okudingakalayo kungakho besebenzelana lozulu kanye labezokholo ukudinga lolo sizo kutsho u Madzivanyika.
Uthi kunje banengi abasentolongweni abazinikele ukuqhubekela phambili ngemfundo yabo kodwa kabanelisi ngoba bephetha sebeyiswela leyo mali ukuba balobe imihloliso yabo besentolongweni.
Udubo olwenza babuyele ngesiphangiphangi labo abephula imithetho ngemva kokugqiba izigwebo zabo kulolu hlelo ngesikhathi besentolongweni u Madzivanyika uthi kubangelwa nguzulu owehluleka ukubemukela ukuba sekungabantu asebeguqukile kuzenzo zabo yikho beqhuba lezinhlelo zokusebenzelana lozulu bemtholisa ulwazi phezu kwaloludaba.
Umnumzana Wellen Mupereki wako Gutu, ehlala e St Marys emzini weChitungwiza,ungomunye walabo abaphathiseke ngaphansi kwalolulohlelo lokusebenzelana kwabezokholo labohlangothi olulondoloza abasentolongweni okubalisa abe ZAOGA Foward in Faith Prison Fellowship Ministries.
Ukhululwe entolongweni ngemva kokusigqiba mhla ka 20 April 2010 isigwebo sakhe u Mupereki usengomunye wabakhokheli ebandleni leZAOGA khon e St Mary’s.
Kunzima lapha entolongweni ngoba okudingakalayo okufana lokudla kusilela ethi ngokunye kwalokho okubangela izimfa kakhulukazi ngesikhathi sabo 2008 lapho umumo kwezomnotho be umubi kakhulu utsho njalo u Mupereki.
Abohlangothi lukahulumende lwalabo abalondoloza ababotshiweyo laba bathi lokhe ungemuhle umumo ezintolongweni lanxa kunganeno kulezi nsuku nxa sekuqathaniswa lomnyaka ka 2008 lapho isimo besisibi kakhulu elizweni.
Bakhuthaza uzulu labezokholo ukuba batholise abanye babo entolongweni lapha ngempahla okubalisa isepa,itswayi,amafutha okupheka,impahla esetshenziswa ngabesifazane lapho besesikhathini kanye lezembatho ikakhulu ngalesi sikhathi somqando lokunye uzulu anelisa ukukuthola ngoba bethi kuyasilela.
Abe Prison Services laba bathi yikho bakhetha ukusebenza labezokholo ngemva kokubona ukuqakatheka kwabo ekutholiseni uzulu imfundiso kunhlelo zokulondolozwa kwababotshiweyo ngesikhathi besentolongweni kanye lokwemukelwa kwalabo asebephutshe izigwebo zabo sebebuyela emakhaya.
Kungenxa yalesi sikhalazo sabe ZPCS sokudinga usizo kokudingakalayo okukhokhelele ekuthini abebandla lokholo lwesiKrestu ele ZAOGA Forward In Faith Ministries ilizwe lonke, bekubone kufanele basungule uhlelo lokuphathisa ngendlela ezehlukeneyo okubalisa ukubuthanisa impahla edingakalayo, olwe Prison Fellowship Ministries, kutsho umqondisi walo kulelibandla engumfundisi laye unkosikazi Sarah Rusere ngesikhathi ekhulumisana le Studio Seven phezu kwaloludaba.
Kunsukwana ezisanda kwedlula,abebandla le ZAOGA emzini weBudiriro baqoqe impahla ebiza amadollar angaba zinkulungwane ezine – $4000,00.
Umfundisi Harrison Hungwe walelibandla emzini ohlala abanengi eBudiriro, eHarare uthi loluhlelo abalusungule nyakenye, usuzakuba ngowenziwa minyaka yonke njengoba ibandla lakhe kungelinye lamabandla elizweni aphatheke emisebenzini yokuthuthukisa umumo lenhlalakahle kazulu kakhulukazi emajele.
Ukhuthaza uzulu,umfundisi Hungwe,ukuba aphathise labo asebephume ezintolongweni ngendlela ezitshiyeneyo ukuze bangaze babuyela njalo emikhubeni ebafake emajele lapho umumo ubikwa ungemuhle ngoba kusilela okudingakalayo.
Lokhu kugcizelelwe ngomunye wabafundisi okhulumisane le Studio Seven kodwa ongasathandanga ukubethwa ngegama, abasebenzelana laloluhlangothi lokuphathisana lezibotshwa kundaba zokuphakamisa imiphefumulo yabo kanye lokutholisa uzulu ulwazi oluzaphathisa ukuba azwisise ukuqakatheka kwaloluhlelo lokuphathisana lezibotshwa lapho zisentolongweni lalapho seziphutshile izigwebo zabo.
U Suprintandent Robson Madzivanyika uphethe uhlangothi lwabafundisi bemajele esigabeni se Mshonaland – uRegional Chaplain.
Ilizwe libhekane lenkinga ezinengi yikho linganelisi ukutholisa labo abasentolongweni konke okudingakalayo kungakho besebenzelana lozulu kanye labezokholo ukudinga lolo sizo kutsho u Madzivanyika.
Uthi kunje banengi abasentolongweni abazinikele ukuqhubekela phambili ngemfundo yabo kodwa kabanelisi ngoba bephetha sebeyiswela leyo mali ukuba balobe imihloliso yabo besentolongweni.
Udubo olwenza babuyele ngesiphangiphangi labo abephula imithetho ngemva kokugqiba izigwebo zabo kulolu hlelo ngesikhathi besentolongweni u Madzivanyika uthi kubangelwa nguzulu owehluleka ukubemukela ukuba sekungabantu asebeguqukile kuzenzo zabo yikho beqhuba lezinhlelo zokusebenzelana lozulu bemtholisa ulwazi phezu kwaloludaba.
Umnumzana Wellen Mupereki wako Gutu, ehlala e St Marys emzini weChitungwiza,ungomunye walabo abaphathiseke ngaphansi kwalolulohlelo lokusebenzelana kwabezokholo labohlangothi olulondoloza abasentolongweni okubalisa abe ZAOGA Foward in Faith Prison Fellowship Ministries.
Ukhululwe entolongweni ngemva kokusigqiba mhla ka 20 April 2010 isigwebo sakhe u Mupereki usengomunye wabakhokheli ebandleni leZAOGA khon e St Mary’s.
Kunzima lapha entolongweni ngoba okudingakalayo okufana lokudla kusilela ethi ngokunye kwalokho okubangela izimfa kakhulukazi ngesikhathi sabo 2008 lapho umumo kwezomnotho be umubi kakhulu utsho njalo u Mupereki.
Abohlangothi lukahulumende lwalabo abalondoloza ababotshiweyo laba bathi lokhe ungemuhle umumo ezintolongweni lanxa kunganeno kulezi nsuku nxa sekuqathaniswa lomnyaka ka 2008 lapho isimo besisibi kakhulu elizweni.
Bakhuthaza uzulu labezokholo ukuba batholise abanye babo entolongweni lapha ngempahla okubalisa isepa,itswayi,amafutha okupheka,impahla esetshenziswa ngabesifazane lapho besesikhathini kanye lezembatho ikakhulu ngalesi sikhathi somqando lokunye uzulu anelisa ukukuthola ngoba bethi kuyasilela.