Kulabanye abantu abathi kuqakathekile ukuba eleZimbabwe libe lamabandla amanengi aphikisayo, ikakhulu alenjongo yokwenza kube lohulumende kazulu ohlonipha ilungelo loluntu leminye imithetho.
Abanye bathi akuqedakali okwenziwa ngamabandla aphikisayo ngoba lawo kawalandaba lozulu.
Abasekela ukubunjwa kwamabandla aphikisayo amanengi ngesikhathi sokhetho khona kuvele kulamanye aqhuba umsebenzi ofanayo, bathi abantu bonke balelungelo lukusungula inhlanganiso abayifunayo eZimbabwe.
Omunye wabalombono lo nguMnu. Effie Dlela Ncube, ingcwethi kwezombusazwe ezimeleyo.
UNcube uthi lokhu kuveza ukuba abantu eZimbabwe bafisa kube lohulumende kazulu.
Abakhonona ngokubunjwa kwamabandla aphikisayo bathi kukhanya inengi lawo kawalanjongo ezicacileyo.
UMnu. Thabani Godlwayo ngomunye okhonona ngokwenziwa ngababumba amabandla aphikisayo.
Uthi ufisa ukuvotela umuntu ozanceda uzulu.
Lokhu kusekelwa nguMnu. Mbuso Nginyane othi abantu sebekhathele yikudelelwa ngamabandla wonke eZimbabwe.
Kulamabandla aphikisayo eZimbabwe edlula ikhulu – 108. Kukhangelelwe ukuba azafipha phose ikhulu lamatshumi amabili ngesikhathi kusenziwa ukhetho ngomnyaka ka2023.
