Abantwana labazukulu abalezihlobo ezafela emgodini eHwange Colliery ngoNhlangula ngomnyaka ka1972 bathi kumele inkampani le ibavulele amathuba okungena emisebenzini etshiyeneyo efana leyabomanjinela bengabangisani kakhulu labanye abantu abafisa ukusebenza kumbe ukufundela imisebenzi eHwange Colliery.
Kwabhubha abantu abangamakhulu amane lamatshumi ayisikhombisa – 427 kuze kubhidlike umgodi eWankie Collery Number 2 Mine mhla ziyisithupha kuNhlangula ngomnyaka ka1972.
Abantu abadilikelwa ngumgodi lo batshiya imuli zabo zihlupheka lobanje kubikwa ukuba inkampani le yabanika imadlana yokuthenga ukudla lokunye.
Abantwana labazukulu abalezihlobo ezafela emgodini lo bathi kumele iHwange Colliery ibavulele amathuba emisebenzi. UNkosikazi Anecleta Tatu ngomunye ofisa kwenziwe lokhu.
UNkosikazi Tatu uthi sebekebakhulumisana leziphathamandla zenkampani le ngodaba lolu.
UNkosazana Audrey Zulu ngomunye njalo olokhulu owaphelela emgodini.
Uthi kumele inkampani le ivikele wonke umuntu osebenza khona ukwenzela ukuthi kungenzakali futhi okwehlela izihlobo zabo.
Banengi abasekela lokhu. Omunye wabo nguNkosikazi Esther Mpala, olesihlobo esafela emgodini lo. Uthi inkampani yeHwange Colliery kumele icele kuhulumende ukuba usuku
Loba kunjalo, bayabonga abanye ngebakwenzelwa yinkampani yeHwange Colliery. UEphraim Zulu ngomunye wabo.
Kasenelisanga ukukhuluma loNkosikazi Beauty Mutomba, ophethe uhlangothi lwezokwethulwa kwemibiko kunkampani yeHwange Colliery, ngoba ubengaphenduli umakhalekhukhwini wakhe.
