Idale leNomination Court ngoLwesihlanu lamukele amabizo abantu abazancintisa kukhetho lwama by-elections e Kambuzuma leHarare East, oluzakwenziwa mhlaka 26 Mbimbitho.
Leli dale lihlale ngemva kokuba umthethwandaba oweHigh Court owawunqume ukuthi kungabi lokhetho endaweni usuguqule lesi sinqumo.
Ekhuluma lentathelizindaba, uMnu. Fungai Chiposi oweMDC Alliance, uthe ibandla lakhe lizanqoba kukhetho lolu.
Igcwethi kwezombusazwe, uMnu. Pride Mkono, uthi impumela yokhetho lwama by-elections izamangalisa abantu abanengi.
EKambuzuma, uMnu. Willias Madzimure owebandla leCitizens Coalition for Change (CCC), uMnu. Oscar Nyamunokora oweZANU PF loMnu. Chiposi bafisa ukukhethwa nguzulu.
Abazancintisa kukhetho lolu eHarare East nguMnu. Tendai Biti owebandla leCitizens Coalition for Change, uNkosikazi Mavis Gumbo, uMnu. Garikai Mlambo oweUnited Zimbabwe Alliance, UPrecios Musarurwa oweLEAD, loMnu. Christopher Mbanga oweMDC Alliance.
EHarare East, uMnu. Peter Mudavanhu oweMDC Alliance amaphepha akhe ebengeneli kwathi uMnu. Moses Kamdefrwe oweUnited Democratic Alliance walelwe ukuphanyeka amaphepha okuncintisa e Kambuzuma.