Abanye abantu bathi bazaqhubekela phambili bezama ukuziphilisa lobanje umemetheka ngamandla ukhuhlane weCOVID-19. Kodwa kulabanye abathi kumnyama phambili.
Kujwayelekile ukuthi umnyaka nxa uqala abantu batsho izifiso zabo njalo bahlele abafisa ukukwenza kodwa inengi alisazi ukuthi lenzeni.
UNkosazana Dorothy Mkwananzi, ohlala eMpopoma, uthi wafunda imisebenzi yezandla ngenxa yokutshona ehlezi endlini kulandela iziqondiso ezethulwa nguhulumende zokuvikela ukumemetheka kweCOVID-19.
"Since iCorona yaqalisayo sesile two years silayo. Bekunzima kakhulu kodwa ngasengigcina ngisiya emsebenzini yezandla. Sengibhekha ama cakes ngiyenze ledeco yabantwana leya bantu abadala ngenze lelobola."
UNkosazana Nothando Dube yena uthi isifiso sakho lonyaka yikuthola umsebenzi.
"Into ebengiyikhangelele, ngifisa ukuthola umsebenzi, umsebenzi wokuzincedisa empilweni. Abantu asizameni ukuba siyala silandela izixwayiso, ukuvikela ngoba umkhuhlane ukhona lo elizweni."
Inengi lifisa ukuthi umkhuhane weCOVID-19 uphele. UNkosazana Amanda Banda ngomunye wabo njalo ulesifiso sokuthola umendo.
"Bengilesifiso sokuthi umnyaka lo ubengumnyaka omuhle. Angathi iCorona ingadeda kancane impilo zabantu azihambanga kahle. Lumnyaka bengifisa ukuthi kumbe ngingayenza iproject yenkukhu sithole ukuthi sifuye yikhona siyathola inzuzo. Ngisalesifiso sokuthi lomnyaka lowu njoba sengile 26 years lami ngithole umuntu ongangithatha njengoba isikhathi sesingathi siyangitshiya."
UMnu. Lisbet Weza uthi uzaqhubekela phambili ezisebenza njalo ngeke amiswe ngumkhuhlane weCOVID-19.
"Ngoba sesingene komunye umnyaka omutsha angikwazi okunye okuyalandela. Lowu umkhuhlane weCorona lowu hayi azange vele savele sawukhangela vele ekuqaliseni kuqalisa kuthiwa yi-21 days, thina savela sayala sisebenza sasuka eRenk salayitshela ezindlini, njengoba ubona lezimota zimile khonapha lami ngithole ukuphumelela kwesinye isikhathi njengabanye abantwana noma kuyabe kusehlula khonokho but khonokho engilakho."
Abanye bathi iphupho abalalo yikuthi uhulumende kaMongameli Emmerson Mnangagwa utshaye phansi. Umama ozibiza ngokuthi nguNaBoys ngomunye wabo.
"Iresolution yami yalonyaka ngifisa ukuthi sithuthuke sitshintshe konke sibe lokutshintsha noma, okapresident sitshintshe ukuthi iZimbabwe yethu ibenhle, lecurrency yethu entsha ezasebenza lapha ekhaya, sisebenzise icurrency yethu yonaleyo not ukuthi siyabe lokhu sisebenzisana lebond ngokuphela ngokuphela."
Iminyaka emibili edlulileyo, ibuye lobunzima obukhulu ngenxa yomkhuhlane weCOVID-19. Umkhuhlane lo ubulele abantu abedlula inkulungwane ezinhlanu – 5,017 eZimbabwe kusukela ngoMbimbitho nyakenye. Uhlangothi lwezempilakahle lubika ukuba kulabantu abalitshumi lantathu – 13 ababulewe ngumkhuhlane lo izolo kwathi abafika phose inkulungwane – 956 bahlolwe batholakala balegciwane leCOVID-19.
