Usibalukhulu webhanga leReserve Bank of Zimbabwe, uMnu. John Mangudya, uthi sokuzakuba lemali entsha elizweni ezasetshenziswa lemali yohlobo lwama bond notes.
UMangudya, umgcinisihlalo wekhomithi ehlolisisa ezomnotho elizweni eyeMonetary Policy Committee, wethule lokhu namuhla eHarare lapho atshele intathelizindaba ukuthi kuzakuba lama $2 kanye lama $5 amatsha kunsukwana ezilandelayo.
Kazange aveze ukuthi imali le izadindwa ngaphi njalo ngubani.
UMangudya uthe benze lokhu benanzelela ukuthi imali iyasilela eZimbabwe.
Uthe abantu balakho ukuthi bathole imali emabhanga kungadindwa imali entsha.
Kodwa ingcwethi zenotho zithi lokhu kuzakwenza ukuthi imali yelizwe igugudeke okumangalisayo kufanane xathu lesikhathi kusebenza ama bearers cheques alahlwa ngomnyaka ka2009 sokusetshenziswa idola leMelika lezinye imali.