WASHINGTON DC —
Izizalwane zeZimbabwe ezifika amakhulu amabili ezingamakholwa ebandla lokholo lwesiKrestu eleBrethren-in-Christ zikhangelelwe ukungena umhlangano omkhulu owe Mennonnite World Conference ePennyslvania, eMelika.
UBishop Sinda Ngulube ongumfundisi weBrethren-In-Christ Church uthi umhlangano lo uqakathekile kakhulu njengoba ubuthanisa abantu abavela emazweni womhlaba phose angamatshumi ayisithupha-57.
Uqhubeke esithi umhlangano onje wenziwa ngemva kweminyaka eyisithupha. Wake wenziwa kwele Zimbabwe, Paraguay, Calcutta leCanada.
Isihloko somhlangano lo sikhuthaza ukusebenzela uthixo nsukuzonke.
Kukhangelelwe ukuthi abantu abedlula amakhulu amahlanu bengene umhlangano lo ogqitshwa ngoMgqibelo.