WASHINGTON DC —
Umongameli Jacob Zuma wakwele South Africa uthi owaba ngumongameli walelolizwe wakuqala uMnu. Nelson Rolihlahla Mandela lokhe egula kakubi loba kubikwa ukuthi kade engcono kancane ngoLwesine.
UZuma owethekelele uMandela esibhedlela esise Pretoria uthi utshelwe ngodokodela ukuthi umzimba wakhe kade utshengisa ukubangcono loba umkhuhlani ulokhe umphethe kabi.
UZuma, ocine esehluleka ukwethekelela eMozambique ngenxa yokugula kukaMadiba, uthi uzulu kumele akhulekele uMandela njengoba ephathekile.
Uthe uhulumende kajabuli ngembiko engaqondanga ebhalwa zinhlanganiso zamaphephandaba lemisakazo. Kasajulanga kuloludaba esithi kumele abantu umhlaba wonke jikelele bahloniphe uMandela.
UNkosazana Makaziwe Mandela, izibulo likaMadiba, uthi kuyadanisa okulotshwa zintathelizindaba ezigcwele ngobunengi bazo esibhedlela. Uthi kumele zihloniphe uMandela olokhe ephethwe ngumkhuhlani wamaphaphu.
Uphinde wathi abantu akumelanga bazihluphe ngokuthi imuli yakhe ibonakale isemathuneni enzalo yakoMandela ngoLwesithathu. Uthi amathuna la ngawemuli ngakho imuli ilakho ukwenza ekufunayo ngawo.
UGibbs Dube weStudio 7 uxoxe lodokotela Elophi Sibanda wakoBulawayo othe umuntu ongeniswa kuIntensive Care Unit esibhedlela ujayele ukufakwa emtshineni wokuphefumula. Uthi abanye abantu bayahlala emtshineni le okwesikhathi eside.
UZuma owethekelele uMandela esibhedlela esise Pretoria uthi utshelwe ngodokodela ukuthi umzimba wakhe kade utshengisa ukubangcono loba umkhuhlani ulokhe umphethe kabi.
UZuma, ocine esehluleka ukwethekelela eMozambique ngenxa yokugula kukaMadiba, uthi uzulu kumele akhulekele uMandela njengoba ephathekile.
Uthe uhulumende kajabuli ngembiko engaqondanga ebhalwa zinhlanganiso zamaphephandaba lemisakazo. Kasajulanga kuloludaba esithi kumele abantu umhlaba wonke jikelele bahloniphe uMandela.
UNkosazana Makaziwe Mandela, izibulo likaMadiba, uthi kuyadanisa okulotshwa zintathelizindaba ezigcwele ngobunengi bazo esibhedlela. Uthi kumele zihloniphe uMandela olokhe ephethwe ngumkhuhlani wamaphaphu.
Uphinde wathi abantu akumelanga bazihluphe ngokuthi imuli yakhe ibonakale isemathuneni enzalo yakoMandela ngoLwesithathu. Uthi amathuna la ngawemuli ngakho imuli ilakho ukwenza ekufunayo ngawo.
UGibbs Dube weStudio 7 uxoxe lodokotela Elophi Sibanda wakoBulawayo othe umuntu ongeniswa kuIntensive Care Unit esibhedlela ujayele ukufakwa emtshineni wokuphefumula. Uthi abanye abantu bayahlala emtshineni le okwesikhathi eside.