UMongameli Donald Trump ubengumongameli wakuqala wakwele Melika osesikhundleni ukuthi eqe umngcele ngeSonto wakwele South Korea leNorth Korea.
Ubelomkhokheli wakwele North Korea eseqa umngcele lo kulandela ukucela kwakhe ukuthi bahlangane bavuselele inkulumo zokumisa eleNorth Korea ukuthi lingalolongi izikhali ze-nuclear.
UTrump uveze ukujabula okumangalisayo ehlangana loKim Jong Un kulandela umhlangano awenze lenkokheli yeG20 kwele Japan.
“Ngifisa ukuthi ngithi ngizwa ngihlonitshiwe ngalokhu. Bengingakulindelanga lokhu. Sasisemhlanganweni weG20 kwele Japan ngasengibuya lapha ngathi ngifisa ukutshayela ucingo uMgcinisihlalo uKim. Ukuthi ngeqe umgcele lo yinto enkulu kakhulu. Kunengi esesikwenzile. Lobu yibo ubungane.”
UKim Jong Un laye uthe uyajabula ngobudlelwano bakhe loTrump.
“Kungayisibo bungane bethu lokhu bekungasoze kwenzakala. Sokwenzekele. Kunengi esingakwenza okungamangalisa abantu.”
Kodwa-ke kulabantu abanengi abachothoza okwenziwa nguTrump abathi kaboni ukuthi uKim Jong Un ufuna ukuthi esule izijeziso zenotho ezafakelwa ilizwe leNorth Korea ngele Melika. Inkulumo ezake zenziwa ngababili laba zamiswa kulandela ukwehlulana kwezokumiswa kohlelo lokulolonga izikhali ze-nuclear.
