Kuhlelo lwezizalwane zeZimbabwe ezihlala kwamanye amazwe, ngoLwesithathu sixoxe ngokwenzakala kuzigodlo zeZimbabwe ezisemazweni atshiyeneyo lapho ezithwele khona nzima ngenxa yokusilela kwemali ekhaya.
Kubikwa ukuthi izisebenzi zezigodlo zeZimbabwe ezinengi zithwele nzima ngokungatholi iholo ngemfanelo ngenxa yokusilela kwemali.
Ezinye njalo kukhanya ukuthi kazisathelelwa inhlawulo yokuhlala ezindlini zabanikazi. Izizalwane zeZimbabwe ezisemazweni amanengi zithi lokhu sokwenze ukuthi zingatholi ezikufunayo kuzigodlo lezi.
Ukuze zihlaziye udaba lolu, iStudio 7 ixoxe lesizalwane seZimbabwe esihlala eMelika, uNkosazana Musawenkosi Ndlovu, othe isigodlo seZimbabwe esiseMelika kasisizi lutho.
“Isigodlo seZimbabwe esiseMelika kasincedi kangako. Kwesinye isikhathi uyatshaya isivalo uze uphose ulimale umunwe. Ngake ngahamba khonangale ngelinye ilanga ngathwala nzima okumangalisayo. Banengi abantu ababhekana lohlupho lolu.
“Ngibona engani kuyenceda ukuba lezigodlo ezinje kodwa kumele abantu abaqhatshwe khonapho benze umsebenzi wabo ngemfanelo.”
