Izakhamizi zeHarare zizonde okwamagama kulandela umbiko owethulwe yikhansili le ukuthi akumelanga befuye inkhukhu emizini yabo ekuleli dolobho.
UMnu. Prosper Chonzi, umqondisi wezempilakahle edolobheni leli uthi kumele kulandelwe umthetho wokufuya owafakwa yikhansili ngomnyaka ka1962.
UChonzi uthi umsindo owenziwa yizikhukhukazi lamaqhude wenza ukuthi abanye abantu bengahlaliseki ngalokhu. Uqhubeke ethi bazabophisa bonke abazakwephula lumthetho wekhansili.
Kodwa-ke labo abafuya inkukhu edolobheni leHarare bathi kuyethusa okukhulunywa yiziphathamandla zekhansili njengoba kulabantu abanengi abafuya inkukhu ukwenzela ukuphandela immuli zabo.
uChris Gande weStudio 7 uxoxe lokhansila wedolobho leHarare, uMnu. Peter Moyo othi sekuzamele uzulu ofuna ukufuya inkukhu aqale aphiwe imvumo andubana afuye inkukhu.
Kodwa kwamanye amadolobho anjengakoBulawayo, kuyavunyelwa ukugcina inkukhu loba nje kumele umuntu abelenani elingedluli amatshumi amabili – 20 - emalokitshini.
UMnu. Collet Ndlovu ukhansila welokitshi leCowdray Park koBulawayo uthi kuvunyelwa ukuthi uzulu agcine inkukhu ezingedluli amatshumi amabili edolobheni leli.