UPope Francis weRoman Catholic Church uthi kumele abantu bonke benanze inswelo zikazulu njalo behlalisane ngokuthula. Ukhulume lokhu eloMongameli Barack Obama weMelika eWhite House.
Idale leConstitutional Court lithi kulesiqondiso somthetho weCriminal Procedure and Evidence Act esiyenza ukuthi kuvalelwe abantu nxa bengagwetshwanga esingahambelani lesisekelo sombuso welizwe.
UMongameli Robert Mugabe ukhangelelwe ukuthi uzafika eNew York lamuhla lapho azangena khona umhlangano weUnited Nations General Assembly okuzakhuluma khona uPope Francis ngoLwesihlanu.
IBotswana ithi kulezizalwane zeZimbabwe ezithola incwadi zokuba yizizalwane zelizwe leli okungekho emthethweni.
Kuhlelo lweLivetalk namuhla sihhlolisisa okwenziwe lidale leConstitutional Court ngomthetho weCriminal Procedure and Evidence Act. Lingakhuthwa yilezi ndaba lezinye kuStudio 7 ngo 8 ntambama kumagagasi athi 909 AM kumbe 4930 lo15455 Shortwave.
