Ibutho leZimbabwe likhuthazwa ukuthi lingangeneli kwezombusazwe njengalokho okumunyethwe yisisekelo sombuso welizwe.
Amabandla aphikisayo athi kukhanya engani ibutho elasusa owayengumongameli uMnu. Robert Mugabe esihlalweni nyakenye seligxile impande kwezombusazwe.
Lokhu kulandela okusanda kwenziwa libutho elibulele abantu abayisikhombisa abatshengisele emigwaqweni besola ukuphuza kwekhomishini yeZimbabwe Electoral Commission ukwethula impumela yokhetho lukamongameli.
UNkosazana Thabitha Khumalo, isikhulumeli sebandla leMDC-T elikhokhelwa nguMnu. Nelson Chamisa, uthi ibutho elinanza usuku lwe Defence Forces Day lamuhla kumele libekwazi ukuthi lenzani elizweni.
UNkosazana Thabitha Khumalo yisikhulumeli sebandla leMDC-T elikhokhelwa nguMnu. Nelson Chamisa. Sixoxe laye eseHarare. UMnu. Joseph Tshuma okubandla leZanu PF uthi kuqakathekile ukuthi abantu bananze usuku lweDefence Forces kanye lolwe Heroes Day.
Kudaba olufanayo, edolobheni leGwanda babe balutshwane ababuthane benanza usuku lwamaqhawe olwe Heores Day njalo inengi labemuli zamaqhawe lithi alinanzwa ngokufaneleyo nguhulumende.
Ngesikhathi abanye abantu benzanza usuku lwamaqhawe, kulabanye abakade bechapha umgcele weBotswana besiyaphandela abantwana ukudla.