Abekhomishini ebona ngokulinganiswa kwamathuba phakathi kwabesilisa labesifazana eye Zimbabwe Gender Commission babe lomhlangano wabo wesibili bexazulula ezomnotho kanye lenhlalakahle yabesifazana kwezombusazwe.
Olunye lwendaba ebezisegudwini ludaba lokubekelwa kwabesifazana ezinye izihlalo edale lephalamende okuluhlelo olufika komlindi uyacina ekhethweni luka2023.
Emhlanganweni oqhutshelwe ewoteleni yeHoliday Inn koBulawayo yikhomishini le, omama baphume lamazwi atshiyeneyo phezu kwezihlalo ezibekelwa abesifazana edale lephalamende. Abanye ngabafuna ukuthi loluhlelo luqhubekele phambili ludlule isikhathi esavele sabekwa esika2023, abanye njalo besithi kungaba ngcono kufakwe umthetho othi umuntu angangena kangaki ngaloluhlelo edale lephalamende.
UDokotela Thokozani Khuphe obekhona kulumhlangano uthe bakhangelele ukuthi abantu abangena ngohlelo lolu kumele bengaveli emabandleni.
“Into esiyikhangeleleyo yikuthi kube leProportional Representation hatshi le ekhona khathesi elabomama abavele kuma political parties. Sifuna ukuthi kube ngomama abavela kuma provinces abazamelela indaba zabomama, omama babe yibo abazabavotela njalo bekhulume ngendaba zonke zabo mama.”
UNkosazana Priscilla Misihayirambwi-Mushonga uthe umthetho lo nxa kuthiwa uqhubeke kumele uguqulwe ukuze abesifazana ngokwabo bavotelane andubana kuqhutshekelwe phambili.
Kulabanye abachothoza olwenziwa ngabanye abesifazana.
Omunye wabo nguNkosazana Sikhangele Moyo oweYoung Women’s Forum othe abanye abesifazana sebehlezi isikhathi eside besezikhundleni njalo abatsha abasakwazi ukuthi bathini. “Omama esathi sivula amehlo beku politics lokhe bekhona lakhathesi njalo bakhona kuPR (Proportional Representation), yikho thina sisithi iPR ayiphume from Women’s organisations.”
UMnu. Themba Mliswa uthe idale lephalamende livele lilabantu abanengi njalo amabandla awakhethi abantu abafaneleyo kodwa amabandla akhetha ngokuthi abanye sebesele phandle.
Uhlelo lweProportional Representation lufika komlindi uyacina ngomnyaka ka2023.
