WASHINGTON DC —
Akwaziwa ukuthi uhulumende webandla le Zanu PF ongena embusweni kulandela ukhetho uzakwenzani ngalabo abakhethwa ngamabandla eMovement for Democratic Change ngomnyaka ka 2010 ukuthi bamele ele Zimbabwe kwamanye amazwe.
Iziphathamandla lezi ezisemazweni abalisa ele Germany, Sudan, Nigeria, Australia le Senegal zithi isivumelwano abasilobelana lohulumende siphela ngoMpalakazi.
Zithi zilakho ukubuyela kwele Zimbabwe nxa zingaphelelwa ngumsebenzi njengoba ibandla le Zanu PF lisithi kalifuna ukubumba uhulumende womanyano lebandla le MDC-T elinqotshwe okumangalisayo kukhetho olusanda kwedula.
Iziphathamandla lezi zigoqela uNkosikazi Hilda Nafukidze, uMnu. Hebson Makuvise, uMnu. Mabed Ngulani, Nkosikazi Trudy Stevenson loNkosikazi Jacqueline Zwambila.
Abanye babo bathi akwenzakali ukuthi bangasebenza ngaphansi kwebandla le Zanu PF elasungula uhlelo olwethusa amazwe amanengi olokwabela uzulu amashares amankampani emazweni.
Nhlanhla Dube isikhulumeli sebandla le MDC ekhokhelwa nguMnu. Welshman Ncube uthi sokumele iziphathamandle lezi zizinuke amakhwapha ukuthi njengoba kungeke kulunge nxa zisebenzela ibandla le Zanu PF.
Umnu. Effie Dlela Ncube ingcwethi kwezombusazwe njalo ongumgcinisihlalo we national association of Non-Governmental Organizations uthi akumangalisi ukuthi ibandla le Zanu PF lilakho ukuxotsha iziphathamandla lezi ezikhundleni.
Iziphathamandla lezi ezisemazweni abalisa ele Germany, Sudan, Nigeria, Australia le Senegal zithi isivumelwano abasilobelana lohulumende siphela ngoMpalakazi.
Zithi zilakho ukubuyela kwele Zimbabwe nxa zingaphelelwa ngumsebenzi njengoba ibandla le Zanu PF lisithi kalifuna ukubumba uhulumende womanyano lebandla le MDC-T elinqotshwe okumangalisayo kukhetho olusanda kwedula.
Iziphathamandla lezi zigoqela uNkosikazi Hilda Nafukidze, uMnu. Hebson Makuvise, uMnu. Mabed Ngulani, Nkosikazi Trudy Stevenson loNkosikazi Jacqueline Zwambila.
Abanye babo bathi akwenzakali ukuthi bangasebenza ngaphansi kwebandla le Zanu PF elasungula uhlelo olwethusa amazwe amanengi olokwabela uzulu amashares amankampani emazweni.
Nhlanhla Dube isikhulumeli sebandla le MDC ekhokhelwa nguMnu. Welshman Ncube uthi sokumele iziphathamandle lezi zizinuke amakhwapha ukuthi njengoba kungeke kulunge nxa zisebenzela ibandla le Zanu PF.
Umnu. Effie Dlela Ncube ingcwethi kwezombusazwe njalo ongumgcinisihlalo we national association of Non-Governmental Organizations uthi akumangalisi ukuthi ibandla le Zanu PF lilakho ukuxotsha iziphathamandla lezi ezikhundleni.