Odokotela bezibhedlela ezinkulu eZimbabwe sebekhalale umsebenzi besithi abasenelisi ukuya emisebenzini ngenxa yeholo eliphansi.
Izibhedlela ezibhekane lalokhu yiMpilo Central Hospital kanye leBulawayo Central Hospitals ezilabodokotela abanengi.
UDokotela omkhulu esibhedlela seMpilo Central Hospital, uDokotela Solwayo Ngwenya, uthi ukukhalala kwabo umsebenzi kwenza ukuthi uzulu engenelisi ukuthola uncedo olufunakalayo.
Abantu abanengi kade bengelatshwa ngoLwesibili ezibhedlela lezi ngenxa yokukhalala umsebenzi okwenziwa ngabodokotela.
Odokotela bake bakhalala umsebenzi bekhonona ngeholo eliphansi. Uhulumende walikhukhula kancane kodwa kukhanya engani seliphansi okokuthi kabasenelisi ukuziphilisa lemuli zabo.
UNkosazana Sakhile Siwela, isigulane ebesifolele ukuthola amaphilisi esifike esibhedlela seMpilo
Olwela amalungelo oluntu, uMnu Effie Ncube, uthi uhulumende kabhadale izisebenzi zakhe ngendlela efaneleyo.
ODokotela bathi bazamile ukukhulumisana lohulumende ngokuba akhuphule iholo labo.
Kasenelisanga ukukhuluma ngodaba lolu leziphathamandla zikahulumende ezibona ngezempilo elizweni lonke jikelele.
