Abenhlanganiso ezizimeleyo babe lomhlangano wokuxoxisana lozulu koBulawayo becebisana ngendlela uzulu angaphatheka ngayo kwezombusazwe kanye lakunhlelo zentuthuko.
Umnumzana Rodrick Fayayo obemele inhlangangiso yeBulawayo Progressive Residents Association uthi ubona uzulu engabisela amandla akhe ngokuthi aphatheke emihlanganweni egoqela uzulu.
“Okokuqala yikhona lokhu uku understander ukuthi entweni zonke ezi affecter izakhamizi abantu abaphatheke, akungabi lomuntu okhalalayo othi lokhu ayisikho kweparty yami abantu abaphatheke. Nxa kule budget akhansilini uzulu akaphatheke abekwazi ukuthi ibudget le yimali yakhe efuna ukusetshenziswa izasetshenziswa kanjani. Singaqalisa at the basic level sibone ukuthi izibi zithethwe yini, amanzi akhona yini ngendlela okufanele kube yiyo. Ngicabanga ukuthi kuzasincedisa lokhu.”
Unkosikazi Belinda Ncube, isakhamuzi sako Bulawayo uthi imigoqo encindezela uzulu minengi kakhulu.
“Uzulu uncindezelekile kakhulu ngalesisikhathi eZimbabwe, uhlupho olukhona yikuthi uzulu kasenelisi ukuthi ahlanganele labanye babonisane amacebo okuthi bangazithuthukisa kanjani. Sithola ukuthi imigoqo isibekiwe yabaminengi evimbela lokho sokumele kucelwe izikhathi ezinengi nxa abantu befuna ukuhlanganela. Khonokho kuyavimba ukuthi abantu bangazithuthukisa kanjani beyizakhamizi.”
Umnumzana Philani Dlodlo esinye njalo isakhamuzi sakoBulawayo uthei ubona uhulumende evumelana lokuba bakhona abanye abantu abangcono kulabanye.