Uhulumende wakwele Zimbabwe uthi idola leMelila lemali yakwamanye amazwe akusamelanga isetshenziswe elizweni kusukela namuhla.
Uhulumende wethule lokhu ngaphansi kweziqondiso zomthetho oweStatutory Instrument 142 of 2019 okubeke sobala ukuthi imali yakwele Zimbabwe yiyo yodwa ezasetshenziswa elizweni hatshi idola leMelika, iBotswana pula, imali yakwele South Africa lamanye amazwe.
“Kusukela namuhla mhlaka 24 Nhlangula, 2019, ipound leBhilithani, idola leMelika, irand lakweke South Africa, iBotswana pula lemali yakwamanye amazwe kayisoze ivunyelwe ukuthi isetshenziswe elizweni lapho okusetshenziswa khona idola leZimbabwe.”
Imali yohlobo lwama bond notes kanye leReal Time Gross Settlement (RTGS) dollar yiyo esisaziwa njenge dola leZimbabwe.
“Ukuze kungabi lokuthandabuza nxa kukhulunywa ngedola leZimbabwe kukhulunywa ngosokuzasetshenziswa elizweni okusemthethweni … okunjenge mali yohlobo lwama bond notes kanye lama RTGS. Imali yama bond notes lama RTGS ilingana le dolar leZimbabwe kanye lama cents akhona kuyahambelana.”
Uhulumende uthi lokhu akusoze kucithize imali efakwe emabhanga eyohlobo olutshiyeneyo.
“Akulalutho oluzakwenzakala emalini efakwe kuma ‘Nostro FCA accounts’. Imali ekuma accounts la izabe ilokhu injalo. Akulalutho osoluguqukile.”
Kukhangelelwe ukuthi abafisa ukuthenga impahla emazweni ezilethwa kwele Zimbabwe bahlawule imali yakwamanye amazwe emgceleni welizwe.
“Akulalutho oluzaguquka nxa sikhangelane leCustoms and Excise Act (Chapter 32:02) ngoba abantu bakhangelelwe ukuthi balandele okusemthethweni njengenhlalayenza.
Abantu abayavunyelwa njalo ukuthi bathenge amatikiti endizamtshina besebenzisa imali yakwamanye amazwe.