UMongameli Cyril Ramaphosa wakwele South Africa uhlolwe namuhla watholakala elegciwane leCOVID-19 esanda kuvela esikhumbuzweni sika FW de Klerk eCape Town.
Osebenza ewofisini kamongameli, uMnu. Mondli Gungubele, owethule lokhu ebulenjini beInternet ekhasili likamongameli, uthi uRamaphosa uyaxoxa njalo uyabona akwenzayo esibhedlela sebutho.
UGungubele uthi okwamanje uRamaphosa usenike intambo zombuso umsekeli wakhe, uMnu. David Mabuza.
Uthi uRamaphosa, owethekelele kwele Senegal ngeviki ephelileyo, uhlolwe esanda kuphenduka ekhaya watholakala engelagciwane leCOVID-19.
UGungubele uthi bonke abafike eduzane kuka Ramaphosa kumele bezivalele ezindlini ukwenzela ukuba bengamemethekisi umkhuhlane lo nxa belawo.
Uphinde wakhuthaza bonke abantu kwele South Africa ukuba behlatshwe ijekiseni yokuzivikela kugciwane leCOVID-19.
URamaphosa wahlatshwa ijekiseni yokuzivikela kumkhuhlane weCoronavirus.