Uhulumende usesuse induna uChief Nhlanhlayamangwe Ndiweni esikhundleni.
Umbiko osanda kwethulwa uveza ukuthi uhulumende sokumele athathele uNdiweni yonke impahla kahulumende okugoqela imota lokunye.
Umbiko othunyezelwe umngcinisihlalo weMatabeleland North Provincial Assembly of Chiefs nguMnu. Z. R. Churu, usibalukhuu wohlangothi lukahulumende olubona ngezabelo lamadolobho.
Uthi uNdiweni ususwe esikhundleni kulandelwa umthetho welizwe.
Induna ezihlala esabelweni seMatabeleland North zathatha isinqumo sokuthi uNdiweni kakhethwanga ngemfanelo. Kodwa umdeni wakhe uthi uNdiweni nguye owakhethwa ngumdeni wabo.
UNdiweni uyesatshwa nguhulumende kaMongameli Emmerson Mnangagwa ngoba uhlala eveza izenzo zikahulumende ezingaqondanga.
Isikhulumeli somdeni wako Ndiweni uMnu. Bancinyane Ndiweni utshele uGibbs Dube weStudio 7 ukuthi abakwezi abakwenzayo abasuse uNhlanhlayamangwe Ndiweni esikhundleni