Bayakhankasa endaweni ezitshiyeneyo koBulawayo abazangena kukhetho lwama by-elections ngoMbimbitho. Abaxotshiswa edale lephalamende libandla leMDC-T, elikhokhelwa nguMnu. Douglas Mwonzora, sebekubandla leCitizens Coalition for Change, ekhokhelwa nguMnu. Nelson Chamisa.
Kunengi abakuthembisa uzulu abakhankasela amavoti eNkulumane lePumula okuzakwenziwa ukhetho lwama by-elections. Bakhona njalo abangathembisi lutho uzulu. Omunye wabo nguMnu. David Ndlovu, oncintisa ukuba ngumeli weNkulumane edale lephalamende ekubandla.
“Nxa ukhethwe ngabantu akumelanga ubathembise kumele wenze ngoba nxa usukhethiwe waya ephalamemde nguwe isikhulumisabo ngake ngasebenza labo bayakwazi ukuthi ngasebenza njani ngesikhathi ngingukhansila nginguMeya. Kulomehluko phakathi kokufuna lokufunwa ngabantu amaproblems abo aziwa ngumuntu ohlala khona hatshi ongahlali khona.”
UMnu. Elderman Gideon Mangena, omele ibandla elikhokhelwa nguMwonzora, uthi uzahlala phansi labantu akhulumisane labo ngababhekane lakho.
"I-Constituency yeNkulumane ilama ward amathathu kufanele ngibe labo emhlanganweni batsho bona abakufunayo,ngileqiniso balezinto ezihlukeneyo abazifunayo. Besesikhangela ngemali ezabe ikhona ukuthi singayixhazulula njani ukuze isuthise abantu kundleko zabo abazifunayo. Mina angila mali ezikhwameni engiyithembisa abantu imali iphuma kuhulumende ngokwethembeka kukaMP imali ibisisehla isiya ebantwini batsho ukuthi bafuna imali isebenze njani.”
UNkosikazi Sichelesile Mahlangu, ofisa ukumela iPumula edale lephalamende ekubandla leCitizens Coalition for Change, uthi ufisa ukuba abantu bambisele ukuze aqedise lokhu abesekuqalile.
“Ngikhangela isigaba sePumula izithembiso engingabathembisa zona, ngezokuthi njengoba kuyindawo yabadala kuyindawo elama child headed family amanengi ngizaqhubeka ngilwela indawo yePumula ukuba ithole usizo oluvela kuhulumende lama youth athole izinto zokuzisebenza.Ngiyathembisa ukuthi ngizaqhubeka ngilwela indingeko zabo."
Akwaziwa ukuba uzulu uzakhetha bani endaweni esitshiyeneyo ngoMbimbitho.
