Inhlanganiso emela abantwana abaphila lesifo sokungenelisi ukucasulula umumo abakuyo eye Autism Organisation of Zimbabwe bakhuthaza ukuba abantwana abaphila lalesisimo behlanganiswe labanye ezikolo ezikhona kulokuba lezimelele bona bodwa kuphela.
Umqondisi we Autism Organisation of Zimbabwe uNkosikazi, Helen Mutambara, uthi umkhuba oqhubeka ulokhe ukhona wokukhetha kusiya ngobugoga sokumele uphele kube lokusebenzelana. Uthi njengenhlanganiso sebesakha isikolo esijonge ukulungisisa loludaba.
Umqondisi wenhlanganiso yabaphila lobugoga eye Centre for Disability and Development, uMnumzana Masimba Kuchera, uthi lokhu yikho abavelele kude bekufisela kodwa inkinga ikhanya ikugatsha lwezemfundo.
UNkosikazi Mutambara uthi kuyadingakala ukuba kube lomsebenzi omkhulu wokutholisa ingcitshi ezidingakalayo ezingasebenzelana lezikolo ngendlela engalungisisa loludaba.
Ethi okwamanje kulokusebenzelana okuhle lohulumende ikakhulu ngesikhathi kusaselomuyi uBrigadier Felix Muchemwa lapho uhulumende ecine ebanikeza iphulazi eRuwa lokwakhela isikolo lokuqubela imisebenzi yabo.
Uthi udubo lwe autism luya luqela osokudinga ukuba kwengezelelwe infundiso lolwazi kuzulu lakubazali phezu kwalo. Ethi udubo lokubandlululwa lutholakala kwabaphila lobugoga ngobunengi babo hatshi abale autism kuphela.
Inhlanganiso zabaphila lobugoga zizaba lomhlangano omkhulu ngoMfumfu lonyaka emzini weChitungwiza lapho abazahluza khona inkinga ababhekana lazo kunye lemisebenzi abayenzayo njalo kulokuvumelana kudaba lokuba uhulumende efundise ababalisi abalolwazi lokuphathisa abaphila lobugoga ngobunengi babo emakolitshini atshiyeneyo elizweni.