Kuhlelo lwamasiko lokuphila kwabantu nsukuzonke, ngoLwesibili sixoxe ngamalobolo.
Zaziphuma inkomo zisiya kwabo kwentombi nxa ijaha seliqonyiwe sokulungiselwa ubudlelwano bemmuli zombili.
Kwakudliwa okumangalisayo ngelanga ijaha libizelwa ukangaziwe lamalobolo.
Ekadeni bekulotsholwa ngenkomo ezilihlekana nje nxa kungumuntu makhaza kuthi-ke udilike umhlambi endlini yesikhosini.
Bekungajayelekanga ukuthi ababiza amalobolo bacele ukuthi abakibo kajaha babhadale imota kumbe umakhalekhukhwini njengalokho osokusenzakala kwezinye indawo zelizwe kulezi insuku.
Sokutheni bo zulukandaba sokubizwa amalobolo kanje? Ukuze sihlolisise udaba lolu, sixoxe loNkosazana Stars Thebe Mathe olwela ilungelo labesifazane loMfundisi Useni Sibanda okunhlanganiso ye Zimbabwe Institute for Social Transformation.
Ababili laba bavumelene ukuthi akusabhadalwa kahle amalobolo ezabelweni ezinengi eZimbabwe.
Lingakhohlwa ukulalela olunye uhlelo lwamasiko lokuphila kwabantu nsukuzonke ngeviki ezayo ngLwesibili. Abadala bathi ukutshelwa yikuncitshwa.
