Inhlanganiso yamagqwetha alwela ilungelo likazulu eyeZimbabwe Lawyers for Human Rights iqhubekela phambili ngohlelo lokunceda abantu makhaza abangenelisi ukubhadalela indleko yamagqwetha.
Umqondisi wenhlanganiso le, uNkosazana Irene Petras, uthi uhlelo lolu lunceda kakhulu labo abangakwaziyo ukuthi benzeni nxa befuna uncedo olutshiyeneyo kwezemithetho lamalungelo oluntu.
UPetras uthe uhlelo lolu lukhangelelwe ukuthi luzakwenza njalo ukuthi abantu makhaza babekwazi amalungelo abo.
Uthi luzaqhutshwa duzane lemadolobheni amakhulu kanye lemaphandleni. Inhlanganiso le ike yenza uhlelo olufanayo ekuqaliseni komnyaka lapho eyenceda khona abantu abanengi okumangalisayo ababelenhlupho ezitshiyeneyo.
Omunye walabo abakuhlelo lolu nguMnu. Lizwe Jamela igqwetha elilwela ilungelo loluntu oxoxe loGibbs Dube weStudio 7 ngohlelo lolu.
Kunjalo nje, uChris Gande weStudio Seven uxoxe lengcwethi ecubungula ezomthetho, uMnu. Job Sibanda ophe uChris Gande weStudio Seven imbono yakhe ngaloludaba.