Abalwa impi yenkululeko ekuviyo leZimbabwe People’s Revolutionary Army (ZIPRA) bathi bafisa ukuba aphiwe isicoco seqhawe lesizwe umuyi uAbraham Nkiwane, owaba ngomunye wamalwecatsha akuqala awebandla leZapu awahambisa izikhali eSouthern Rhodesia ezokulwisana labamhlophe ababekhokhelwa nguIan Douglas Smith.
UNkiwane wakhethwa ngumuyi uKenneth Kaunda, owayengumongameli wakwele Zambia, loJoshua Nkomo, owayekhokhela iZapu, ukuba athwale izikhali kwele Tanzania ezebutho leZIPRA ebambisana loSikhwili Moyo, uThomas Ngwenya, uDumiso Dabangwa labanye.
Omunye wabathi uNkiwane kumele aphiwe isicoco lesi nguMnu. Tshinga Dube, owalwa impi ekubutho leZipra labanye ababekudale leZPRA High Command.
UMnu. Isaac Mabuka, okhokhela ibandla leZapu, uyakusekela lokhu esithi abuphumphuthwa ubuqhawe buka Nkiwane.
Lokhu kusekelwa njalo nguMicah, indodana kaNkiwane, othi balahlekelwa kakhulu.
UNkosikazi Sithembinkosi Ndlovu, umzukulu kaNkiwane, uthi udabuke kakhulu umdeni kaNkiwane.
UNkosazana Susan Nkiwane laye uyakhala ngokubhubhe kuka Nkiwane
Kusalungiselelwa ukungcwatshwa kukaNkiwane, obulewe yisifo semvukuzane. Inkokheli yebandla leZanu PF kayikaphumeli egcekeni ngokupha uNkiwane isicoco seqhawe lesizwe.
