Uzulu uthi kalathemba lokuthi impilo yabo izaguquka ngomnyaka ozayo ngoba isimo somnotho lokhu sisibi kakhulu okwenza bengenelisi ukuthenga ukudla lokunye abakufunayo.
Abantu abaxoxe lomsakazo weStudio 7 ngoLwesine baveze ukuthi bahlupheke okumangalisayo lonyaka ngakho-ke bafisa ukuthi isimo Marketing Board eNkulumane.
Sixoxe njalo loGogo uMaDlamini, ungumfelokazi, othi umnyaka ka2019 ubunzima kakhulu ngakho-le ufisa ukuthi kubelobudlelwano phakathi kwamabandla wonke eZimbabwe ukuze benelise ukuziphilisa.
Uthi uphila ngokuthengisa imbhida lama tamatisi ukuthi abhadala irent lapho ahlala khona.
Banengi abanye abantu abathi basebuzimeni. Omunye wabo ofisa ukuthi kubelobubelo ngomnyaka ozayo nguMnu. Themba Dewa, yena uphila ngokuthengisa impahla ezincane ukuthi athole ukudla.
UMongameli Emmerson Mnangagwa uthi uyazizwa izikhalazo zabantu ngakho-ke uhulumende wakhe uyazama ukuphuma lenhlelo ezizakwenza ukuthi baphile ngemfanelo. Umlandeli webandla leZanu PF, uMnu. Gibson Dube, uthi kuthatha isikhathi eside ukuze kulungiswe umnotho welizwe owabhidlika ngesikhathi kusabusa owayengumongameli umuyi uRobert Mugabe.
UDube uthi abantu ababekezele ngoba sokuzalunga.
UMnu. Zifiso Masiye, ingcwethi kwezombusazwe ezimele yodwa, uthi ngomnyaka ka2020 kuyabe sokuyiminyaka engamatshumi amane eleZimbabwe lathola uzubuse.
UMasiye uthi kujwayelekile ukuthi kubelenguquko enkulu njengoba laseBhayibhilini isizwe sama Israyeli sakhululeka laso ngemva kwaleyo mnyaka.
UMnu. Nkosi Khumalo uthi akulazanguquko ezabakhona ngomnyaka ozayo.
Akwaziwa ukuthi isimo somnotho sizaguquka ngomnyaka ozayo lobanje kukhanya engani kuzakuba kubi ngomnyaka ozayo.
