Inhlanganiso ebona ngezokhetho eyeZimbabwe Electoral Commission koBulawayo isiqale ukulanda abantu ezitolo kanye lendaweni eziphithizelayo izama ukwengeza inani labantu ababhalisela ukuvota kukhetho lomnyaka ozayo.
Abasakhulayo ikakhulu yibo ababhalisela ukuvoter endaweni eziphithizelayo. Osakhulayo unkosikazi Michelle Gwebu, uthe ukubhalisa endaweni ezikhatshana bekumphuzela kakhulu kodwa nxa kubhaliswa ezitaladeni kubalula.
Evumelana lo Gwebu umnumzana Victor Chirara uthe leli linyathelo elihle ngoba abatsha bengakhuthalelanga ukubhalisela ukuvota.
UDistrict Elections Officer wakoBulawayo unkosikazi Sithokozile Khuphe uthe lanxa inani lababhalisileyo lilokhu liphansi sebefake imizamo eminengi yokuthi bahuge abantu ukuthi bebhalisele ukuvota kukhetho lomnyaka ozayo.
Uhlelo lokubhalisela ukuvota lukhangelelwe ukuqqitshwa mhlaka 19 kuMpalakazi kodwa amabandla aphikisayo asecele IZEC ukuthi yengezelele isikhathi sokubhalisela ukuvoter ngamalanga angamatshumi ayisithupha ukuze abavela ngaphandle kwelizwe babhalise.
