Owayengumgcinisihlalo webandla leZANU FP eMatabeleland South uMnu. Andrew Langa uthi uzimisele ukusebenzelana lenkokheli entsha ezakhethwa esigabeni sakhe kulandela ukuxotshwa kulesi isikhundla ngenyanga edluleyo, esetheswa icala lokusebenzelana lowayengumsekeli kamongameli uNkosikazi Joyce Mujuru, yena obikwa wayezama ukugenqula umbuso kamongameli Mugabe.
Abanye njalo abagcinisihlalo bezigaba zalelibandla abayisitshiyagalolunye, kanye labaphathintambo bakahulumende abayisitshiyagalolunye labo baxotshwa ezikhundleni zabo besetheswa icala elifanayo.
UMnu. Langa walile ukukhuluma ngamacala awetheswayo kanye labanye bakhe njalo njalo watshela uSithandekile Mhlanga weStudio 7 ukuthi okuqakathekileyo yikuthi ibandla lakhe liphume liqinide ngamandla emhlanganweni we congress yalo esanda ukwedlula.
