Uhulumende weZimbabwe walile ukuya emhlanganweni wenhlanganiso ye Kimberly Process Certification Scheme oqale lamuhla kwele Belgium. Lumhlangano, obukhangelelwe ukuqeda indubo eziphathelane lokuthengiswa kwamadayimani akomarange, ulandela omunye owenziwe ngenyanga edluleyo eIsrael ongavumelananga ukupha imvumo eleZimbabwe ukuthi lithengise amadayimani alo.
Lumhlangano uvumelene ukuthi kuzamele kuqhubeke kukhulunyiswana phezulu kodaba lwamadayimana eZimbabwe. Kodwa umphathintambo wezemidogi, uMnu. Obert Mpofu utshele iphephandaba le The Herald ukuthi inhlanganiso yeKimberly Process kumele ilungisise indlela esebenza ngayo andubana inxuse eleZimbabwe kulumhlangano. UChris Gande weStudio 7 uxoxe lengcwethi ecubungula ezombusazwe, uMnu. Bekithemba Mhlanga othi ukungayi kweZimbabwe kulumhlangano akusoze kuguqule lutho.
