Kuhlelo Woza Friday silomculi odume kakhulu kuzwekazi le Europe uNomina odabuka ePlumtree okwamanje sehlala eGermany.
Igama lakhe lokuzalwa nguPamela Nothando Bhulu. Namhla usiphathele idlalede lakhe elitsha elithi 'Angel'.
Umnyaka ka 2024 ubungumnyaka ophumelelyo kakhulu ku Pamela kwezomculo.
"Salibonani lonke igama lami ngingu Nomina uNomina uphuma eTshangwe ePlumtree yikho lapha engazalelwa khona ngakhulela Gaborone eBotswana ngase ngisiya emazweni eGerman so namhlanje ngibuyile nge Album entsha ezayo album leyi ibizwa kuthwa ngu Angel ingilosi."
UNomina uthi usebenze labanye Germany, South Africa leBotswana ekuphekeni idlalade lakhe elitsha esiliphakulela lona lamhlanje, lona liyahlakaza.
“I-album leyi ilengoma ezingu 4 kuzoni ngoma lezi ezingu 4 ngisebenze lo Nokwazi title yakhona yengoma leyi kuthwa ngu destiny ngasebenza lo Bongo BC kungoma okuthwa ngu Bona boy ngasebenza loDJ SK engomeni okuthwa ebusuku lo Adiction engisebenze ngingedwa ngike ngahlala South Africa bengiku tour njalo ngasebenza leso sikhathi ukubona ngi shoot lama music videos awengoma zami.”
Ujabule kakhulu uNomina ngokukhethwa ngabalaleli bemculo etshiyeneyo emhlabeni wonke jikelele ukuthi aphiwe Indondo yokuba ngumculi ocule okulohlonzi ukudlula abanye bonke kuma BET Awards ka 2024.
"Okwakuqala bekuyi Best Music video in 2024 eyengoma yami uRice sadli rice eh labo manjisa joko ingoma leyi yayitshaya kakhulu South Africa video yashooter ngu Kyle White yi video enhle kakhulu yaba ngeyesithathu kuma vote okwe sibili bekuyi Best International Act Award engayi winayo kwamanje ngo December mhlaka 2 le award ngayiphiwa ngenxa yesiphiwo ekuhlabeleni ukuzimisela lokuhlanganisa amasiko atshiyeneyo emculweni wami."
UNomina kusasa ulomcimbi wakhe eBotswana okuthiwa yi Home Coming ezothakazelela ukunqoba kwakhe kuma awards ebonga uzulu ngokumsekela, phosela izwi ungakahambi Nomina
"Ngiyabonga kakhulu bonke abancedisileyo labavotileyo labangilandelayo kuma social media ami so keep on lincedisa ncedisani abaculi ukubana sikhule silihlabelele ingoma ezimnandi lathi sikhululekile sijabulile.”
Umculo kaNomina usezingeni eliphezulu, njalo uthi kabuyeli emuva kwezomculo.
Forum