Kuliviki kuhlelo Woza Friday silomculi wakoBulawayo uAllois Ncube ohamba ngegama kwezomculo elithi Alloe The Rapper, ocula umdumo awubiza Afro Trap music.
Ingoma zika Allois zivusa usinga ngoba zigxile enkabeni yemvelo. Uvela ngaphi umculi lo?
"Ngizalelwe eMatopo endaweni yase Njelele. Ngafunda endaweni yase Tudi 2, ngasengifunda endaweni yase Gwanda eMawongola okuthwa kuse Mawongola. I stage name yami ethi Aloe the rapper yabuya egameni lami lokuzalwa elithi Alois Ncube so ngasengithola khona ukuthi ukuze kube lula ukuthi umuntu angizwisise ukuthi ibizo lami labuya kuphi ngasengiquma igama lami lokuzalwa ukuthi Alloe ukuthi kube yistage name yami."
Seliminyaka ethize ecula uAlloe esebenza labanye. Umculo wakho uthiwani?
"Kuthwa yi Afro trap kumbe , or itribal trap or idigital Maskandi ngisebenze lo Cliff jeans lo Fab G umtshana kagogo, Ibhubesi elimhlophe, uMathenga wezinkanyamba Music productions, uFuel owe off key productions . Ngiqale ukucula ngo 2020 kwathi ngo 2023 ngakhupha ke idlalade lami lakuqala eliqukethe ingoma eziyisitshiya galombili."
Kukhona na abamenza waba lomdlandla wokucula uAllois?
"Inspiration ngayithola kuSjava ngayithola naku Big Zulu. Abantu umculo wami hayi bawamukela ngezandla ezifudumele impela, njengomuntu ocula ingoma ezihlabisa usinga ezigxile kakhulu enkabini yemvelo. Abantu bayamukela kakhulu umculo bathi bayakuthakazelela uzwa isiko livuselelwa ngomculo.
Ungakahambi tshela abalaleli ukuthi umculo wakho utholakala nga
"Umculo wami utholakala kuwowonke nje ama digital stores kubo Dito music, Distrokid, Spotify, Audiomack uyatholakala umculo wami. Kanti njalo enkundleni zokuxhumana ngikhona ku Facebook ngu Aloe the rapper iFacebook page yami ngu Aloe the rapper. Ku instagram ngu Aloe the rapper, ku Twitter nakhona ngikhona naku Tiktok ngikhona igama ngu Aloe the rapper."
Forum