ImFilabuso yazakala kakhulu ngomculi owayedume kakhulu umuyi uMakho Sibanda owayegxile kumdumo munye oweTshibilika.
USikhutshiwe Dube weqembu le Insiza Express Band uthi umuyi nguye owabathunukayo ukuthi balandele enyaweni zakhe njalo uchaza ngegama laleliqembu ukuthi lavela ngaphi.
"Igama legroup salikhetha ngesiqinti eshlala kiso okuthwa Insiza District lathi sathi Insiza Express Band. Kuzobuya ialbum leingeyokuqala esiyirekhode lonyaka okuthwa Ukuzinakekela okugoqela ingoma ezithi iBosso yiBosso labo Vuka Ndoda."
Iziginci zebo zicacada kamnandi, uDube usebenza labanye kuqembe lensiza Express.
"Ama backings vocals ngincediswa ngu Evans edlala yona iLead guitar kuzokuthi uHlalani Ngwenya nguye odlala irhythm Guitar ,uNoel Zhou Dube udlala isub rhythm uProgress Kheswa Ndlovu udlala ibass guitar, uNkosana Dube udlala ama drums. Kuzokuthi uNtokozo nguye osigidilayo. Iqembu leli lisungulwe ngo 2011."
Leliqembu lithi lithakazelela izingoma zabanye abaculi beZimbabwe yikho nje livayindela kanje.
"Kulo Jeys Marabini, uMakho Sibanda, Indolwani Super Sibanda, oChase Skuza yikho okwayenza sicine sesihlabela. Okwenza sakhetha umdumo lowu sabona ukuthi uMakho njoba sedlule emhlabeni ngcono sisale sivuselela thina njalo futhu umdumo sasiwuzwisisa ngezwa abantu nje besemukela besithi hayi umculo wethu umnandi kakhulu njalo futhi ulemessage emqoka."
UMthembo Ozithembayo ulelizwi kubalaleli njengoba isikhathi sesidliwe ngumangoye.
"Sicela usekelo kini lathi ukuze sithuthuke kwezomculo. Besikhangelele ukuthi kuleyinyanga ezayo uDecember silaunche ialbum lethu sicela usizo lweni ukuze litholakale ialbum leli kundawo ezitshiyetshiyeneyo. EFilabhusi lizathola idisk leli koSgida Investment. Inumber zethu 0775703757. Siyabonga."
Ziyagijima ingoma zakhona, ngumdumo weTshibilika baba, asokutshaya itsaba tsaba lokhu ebengikwenza ngilo Sikhutshiwe Dube omele iInsiza Express Band ebesikwejise labo kuhlelo Woza Friday. Mpela sonto emnandi kini lonke.
