Namuhla kuWoza Friday silohlelo lokugqiba umnyaka ka2024 sikhangela imsebenzi yabanye abaculi base Zimbabwe abatshaye kwazwela lonyaka abagoqela uJeys Marabini, Nkwali,uBusi Mhlanga loNomina.
Umnyaka ka2024 ubungumnyaka ophumelelyo kakhulu kwabanye abaculi. Umculi olodumo weAfro Jazz uJeys Marabini bekumhambela lonyaka.
"Umnyaka lo ubengumnyaka engathi ngumnyaka omuhle kakhulu zikhona izinto ezithile ezinhle ezenzakeleyo ikakhulu ngkhangelele emsebenzini wami ikakhulu ukuthi uthole nje imisebenzi enjengokuthi singathi nje ngamaShows.Lonyaka bgirecordile i album entsha engizayi releaser ngo January libe lomnyaka omuhle.Jeys Marabini One Time."
UBusi Mhlanga ‘The Queen of Abenguni’ odume ngokuthi ligidelamphakathi, ocula umdumo wesintu eseLondon uthi usebenzile lonyaka.
"Umnyaka lo Ubemuhle kakhulu ngifuna ukubonga uNkulunkulu lalabo abangembetheyo abahamba lami ngoba ngenelisile uku recorder idlalade elile ngoma ezilitshumilambili 12songs Ubizo Lwami my dynamic Calling this is an album thats very close to my heart bengicela ukuthi lilalele uBizo lwami by Busie Mhlanga lingxhase bantu bakithi."
Ujabule kakhulu uNothando ‘Nomina’ Bhulu ocula imdumo etshiyeneyo ehlanganisela lamapaino ngokukhethwa ngabalaleli bemculo etshiyeneyo emhlabeni wonke jikelele ukuthi aphiwe Indondo yokuba ngumculi ocule okulohlonzi ukudlula abanye bonke kuma BET Awards ka 2024
"U2024 uphela kahle uphela kamnandi nge Success enhle bengyeLondon ngayathatha nayo iAward eye International Recognition International Act yinto enhle kakhulu engijabulisileyo so ngyabonga abalandeli labo bonke abasapotayo abaphathisa abasapotayo. So im so so excited ngyabonga kakhulu umnyaka lo ubengumnyaka Omuhle."
Umculi wengoma zeAfro Pop uNkwali inengi elimazi ngengoma yakhe Unyawo Lwami loHalala Lozikeyi uthi umnyaka ka2024 umvulele amathuba amanengi.
"Lonyaka ngsebenze kuhle kakhulu ngaphuma ngaya e-Europe ngaphinda ngaya eCanada lapha engikhona khathesi ngakhipha iSingle yami ethi Sengihamba izaba ngeyinye yezingoma engizazikhipha kuAlbum yami yanext year."
Abaculi bakithi abanengi bathi basebenza gadalala bezama ukulondoloza isintu sethu.
Forum